我哋等咗差唔多成個鐘先入到去，佢哋有唔同嘅餐牌，又平又貴，仲有90分鐘同120分鐘選擇。今次我哋就揀咗90分鐘，但係老實講有啲趕唔切，因為佢真係好多嘢食！
入座嗰刻先揀湯底，今次我哋分別選擇咗蕃茄、鰹魚湯同埋麻辣湯，個人推介麻辣湯因為有鴨血！
佢哋嘅嘢食好多選擇，有肉類、海鮮、蔬菜、台式小食、甜品同雪糕，仲有得任飲生啤同埋嘢飲，連台式飲品都有得任飲！淨係聽到呢度都覺得好誇張，試問邊間餐廳可以包咁多款式嘅嘢食？
佢哋嘅蔬菜款式都好多，個人推介水蓮菜，因為平時好少會有，呢度可以任夾仲要好新鮮。海鮮方面推介生蠔，唔算好大隻但係新鮮。而肉類我哋一致認為和牛最好，香得來又唔會好漏，穀飼牛肉質就比較實啲～
台式小食都唔錯，鹽酥雞超大舊，建議大家每次只好點一舊，因為咁樣真係食唔晒lol
台式飲品係必飲嘅！佢哋啲嘢飲係即叫即沖，同街買嘅一樣好飲！鍾意飲啤酒嘅呢度仲有生啤飲，真係淨係飲嘢都回本！
食完嘢仲有得送金幣玩夾公仔機，夾中咗仲可以有coupon，唔怪之得咁多人過嚟呢度食野
5
