宴 尖沙咀

對上一次去沖繩，已經係好耐好耐嘅grad trip...估唔到香港都可以食返好好味嘅沖繩苦瓜炒豬肉!FD子無介紹錯，呢間沖繩料理居酒屋真係有feel，今次只係約左兩個朋友食飯，但都叫咗好多嘢食，開心開心~我哋食咗乜？家庭料理！苦瓜炒豬肉 苦瓜炒豬肉係沖繩料理名物，雖然材料簡單，但甘甘地嘅苦瓜夾埋炒香嘅豬肉，係最愛嘅沖繩美食~不過份量唔多，多人一齊食就要叫多碟送飯啦~沖繩雞軟骨肉餅 個人係雞軟骨愛好者，但混埋肉餅後，雞軟骨嘅咬口就無咁突出，有得沾雞蛋就加返啲分!紅芋天婦羅 賣相幾靚，味道正正常常，鍾意紅芋嘅朋友仔可以一試。沖繩炸雞拌特製沖繩島豆腐他他汁 炸雞略嫌唔夠熱，但個啲汁好有豆腐味，幾得意。風味炒沖繩雞腎 雞腎好有咬口而且好夠味，食完一碟仲想encore，送酒小菜之選。沖繩 AGU 豬肉餃子 食完咁多碟小菜，要食少少澱粉嘢，即將叫返碟餃子食，煎餃夠哂香口。自家製沖繩黑糖年糕 沖繩黑糖年糕唔夠咁多地方有得食，睇menu個陣見到即刻同fd講要食！煙煙韌韌又唔太甜，每人兩粒滿足~抹茶雪糕伴沖繩紅芋球 第一次食沖繩紅芋球，口感係有餡而飽滿嘅煎堆，但就好似同雪糕各有各食。