Ann Mamma Thai kitchen by 張秀玲

營業中

休息中

行完大帽山郊野公園！去到荃灣，行去西鐵站方向路過見到餐廳門面比較特別，所以吸引左我停步睇睇餐牌。原來係食泰國菜的，開門入到餐廳好有文青風格，鋪仔細細，檯仔細細，別有風味。行左一日山，當然要試吓餐廳的泰國啤酒麒麟啤&西柚茶降降溫。再黎一個小食拼盤（蝦餅、春卷、泰國雞棗）炸物不油，仲熱辣辣，好有口感。炸物絕配的泰式辣醬，令到食物味道提升。下次可以單叫份雞棗，佢個味道好好味，咬落口仲有啲的汁。食完忍唔住再叫多支泰啤配搭下。再加個炒雜菜，可以點綴下剛剛食完的炸物。做左一日運動，少不了的主食。叫左個菠蘿炒飯，份量都幾多。粒粒菠蘿再加上腰果提子干肉鬆，好有夏天的感覺！甜甜酸酸的味道，令人開胃。可惜檯仔太細，好難三五知己一齊慢談。