寶哥火鍋味館 (已結業)

我家每一年團年飯的攪手都會煩著煮乜野餸，始終人多，要求自然更多，呢個位可以話係豬頭骨，吃力不討好。今年輪到姨媽負責，她一反傳統唔自己煮，改為帶我們到長樂街幫襯任食打邊爐，貪其乾手淨腳，鐘意食乜就自己劃單，又冇限住數量。蒲坐定，待應即按人頭，送上一碟五式刺身，啱晒蓆上的年青人。炸魚皮好脆，除了可作小食，也可輕輕過一過湯底，再馬上夾起來食。秀珍菇、午餐肉、豆卜、魚腐、蟹柳、豬紅、牛栢葉、粟米...望一望order sheet，再粗略數一數，應該有七十款左右食材，梗有幾款啱自己，今次姨媽的安排唔錯唔錯。