Goobne Chicken (天晉匯2)

營業中

休息中

琴晚嚟咗goobne chicken 食晚飯，一如過往我都係叫返我最鍾意嘅口味，果味醬油蒜香烤雞，呢個口味食極都唔厭，水果味嘅醬油會淡淡咁滲着蒜香味，真係好好食，我之前叫過無骨今晚試吓有骨，我覺得有骨好食啲，因為有骨嘅雞肉嘅皮會比較脆，當然無骨叫做會比較方便啦啖啖肉。今晚仲叫咗韓式蛋捲，嚟到一大條都好吸引，雞蛋唔鞋，算係滑，裏面包住嘅餡料啊例如紫菜、芝士、黃瓜等等，令到每一啖都好豐富好多層次，原來我仲有三款調味醬料俾你點嚟食，所以好難唔好食😅，我仲叫咗杯芒果沙冰，反而依杯嘢飲就爭啲，芒果味唔算好濃，偏甜，如果多番少少酸味我諗會醒神啲。