影片
開飯介紹
在韓國擁有過千間分店，主打非油炸烤雞。這裡的烤雞以7種香料醃製最少24小時後再烤，雞肉嫩滑且無油膩感。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
相關文章
口淡淡想食韓國嘢尤其是係炸雞但係又想健康就不期然諗起呢間連鎖正宗Number one韓國烤雞”Goobne Chicken”. 💯用烤箱烤焗完全唔落油夠健康，低卡路里、低膽固醇、低反式脂肪同低鈉，而且仲可以更容易品嚐到雞肉嘅味道. 👏🏻除咗烤雞佢哋午餐仲有多款韓式湯麵飯等選擇. 真係快靚正之選.⭐️烤雞午市套餐呢個套餐超抵食，本身$195而家$125就可以食，超豐富. 有超多口味可以揀，本身就包咗半隻烤雞，口味成八款咁多，今次就叫咗蜜糖蒜香烤雞. 烤雞外脆內嫰，咬落去勁Juicy醬汁甜甜地嘅有蜜糖香味又有蒜味，真係越食越惹味. 配菜有焗薯同埋烤粟米係一個超好嘅配搭. 另外有前菜同埋湯. ⭐️香辣海鮮湯麵個碗好巨型，入面好足料，有蝦、青口、蜆、魷魚等海鮮夠鮮爽彈牙. 韓式辣湯底夠晒惹味辣得過癮. 成個定食套餐上桌擺盤精美好豐富. ⭐️韓式海鮮湯散叫左呢個湯，入口濃郁鮮甜，湯底有大量海鮮仲有新鮮蔬菜，清清地中和完食濃味食物的口腔. 呢個品牌全港有好多間分店，約食飯夠晒方便. 而且食物質素有返咁上下保證，價錢合理，午餐Menu仲好抵添. 或者可以考慮OpenRice book位都有九折㗎.
繼續閱讀
未入到間餐廳已經聞到好香既雞味 餐廳坐位闊落 好適合一大班朋友聚餐 炸雞烤雞都有好多口味揀 鍾意兩種味既仲可以揀half half 再heavy 啲可以揀沾芝士 邪惡到max 但好食到傻蛋卷足料好味 有三款醬可以沾 建議個醬點唔曬可以留起 點炸雞又得價錢就正常合理 地點就將軍澳站過天橋就到 全程唔洗曬到太陽 推薦！
繼續閱讀
點咗兩個外賣自取餐！兩個餐嘅飲品都冇俾到！一個可樂一個雪碧，步行過去要15分鐘食緊嘅當下冇咗個飲品真係非常之掃興餐廳亦都冇發現冇話打電話嚟講！差👎午餐都百幾蚊一個餐買到二百幾蚊淨係零零舍舍漏咗兩罐飲品真係好飽成間舖頭又冇生意又唔係話忙得滯唔記得一直幫襯開係因為佢哋嘅烤雞附近嚟講比較好食如果有其他選擇嘅話就唔會再幫襯啦以後都係去另外一間新開嘅算啦新年流流唔俾飲品令到人個心情都唔好寧願去大家樂好過專登行過去買
繼續閱讀
這間餐廳炸雞的午餐性價比好高,可惜員工服務態度麻麻，可能是永遠坐唔滿的原因。1. 一入到餐廳，門口企左幾分鐘都冇人理，只好自己直入搵位。2. 本身張4人枱只放了2人的餐具, 我們3個人,店員都唔醒目加多一份餐具。3. 要求補回餐具及加3杯水，竟然只提供了餐具,水冇理會。4. 再要求後,同一店員竟然仲問你地個餐有兩支水,係唔係都要3杯水,真係啞口無言。5. 落了單才發覺有OPENRICE有訂座優惠,店員堅持不提供。本來想多點幫親,希望它不會結業,睇黎餐廳真係要檢討下服務先。
繼續閱讀
今晚心血來潮，放完工同老公都好想食韓式炸雞，返到將軍澳醒起Goobne chicken！成日經開都見到好多人係入面食炸雞，睇menu我見佢都幾多口味，又有果味醬油蒜香炸雞、又有三重芝士炸雞、甜辣烤雞、蜜糖香滑烤雞、火山烤雞、蜜糖蒜香烤雞，其實見到款款都想試🫣🤣開頭睇以為全部都只可單款，原來都有雙拼😍開心！UFO 芝士火鍋：最尾我地揀左雙拼雞之餘，仲要係有邪惡既芝士火鍋😌職員會過來幫你整好芝士，整傑身ｄ去到拉絲既狀態😝芝士係用左三款，分別係馬蘇里拉芝士、車打芝士同埋巴馬臣芝士😍雞我地就揀左果味醬油蒜香烤雞，蜜糖既味道唔會過甜，連埋蒜香幾惹味！另一款就揀左三重芝士烤雞，係用左芝士粉，味道好濃郁！佢ｄ雞肉好嫩滑，係無骨雞，方便食凱撒沙律：ｄ沙律菜幾新鮮同埋爽，沙律醬佢係另上，可以自己控制個份量。面頭有唔少bacon，食落鹹香鹹香！
繼續閱讀