川味雞烤魚大王 (大河道)

營業中

休息中

今日叫咗鉗魚，麻辣味。條魚好正好多肉，啲肉好實。而且冇一啲好細嘅骨，條骨都好大條，所以食得好方便。十分推薦你哋揀呢隻魚。湯底方面揀咗呢個麻辣，你可以同落單嗰個人講唔好要咁辣。我本身都唔係好食得辣嘅，呢個都唔錯。叫一碟肥牛，同埋要左一碟韭菜餃。因為本身條魚都已經好大條，成條魚。碟肥牛好食，油脂分布好均勻而且又唔會好薄。韭菜餃都OK，好多餡而且皮好薄。最後叫咗茴味雞翼，個雞翼超級好食外脆內軟，而且好多肉汁。餐廳好近地鐵站所以都好方便架。