燒洒一族 (啟田商場) (已結業)

今晚有朋友來我家作客，經過藍田啟田商場地下個街市內有間唔錯既店舖，一入街市轉左就見到大大個招牌：燒晒一族！德式燒豬手（大）$88/隻：餐廳招牌菜式，果然是大豬手好大隻 ，而且燒得好香好脆 ，皮都很薄，連啲肥都係好爽口，味道非常之啱 ，唔會太鹹，仲配埋蜜糖芥茉醬，食落口更添口感，攞嚟送啤酒食都非常之好味， 而且好夾。慢煮醬烤豬肋骨$58 ：豬肋骨其實係好像叉燒味道，食嘅時候啲豬肋骨的是肉骨分離，不會黐住啲骨。而且烤得好甘香，都好惹味 ，最重要嘅就是肉質不鞋又有口感 ，送白飯或粉類也合適。岩鹽燒鯖魚柳$25/條：估不到這家燒味鋪也有燒鯖魚食 ，鯖魚仲燒得好香皮很脆，不過也要很小心食因都有些碎魚骨，加埋檸檬汁一齊食就避開左腥味，值得推薦既健康食物！酒醉鴨舌$45: 採用優質既鴨舌烹調入味，醉鴨舌皮滑肉少，富淡淡花雕香，佢用膠袋另上花雕酒，就可隨意調較酒既濃度，這是最佳既涼拌小食！👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊