牛大人台灣火鍋吃到飽 (鱷魚恤中心)

營業中

休息中

最近想擦餐勁，去左食牛大人火鍋！依家款式比以前多左，好吸引！120分鐘日本A4黑毛和牛火鍋放題 $448揀咗日本A4黑毛和牛嘅120分鐘火鍋放題，7點半前離座只需$448，仲有得送澳洲M9和牛牛丸2粒同埋海鮮拼盤，抵！仲有任食飽魚，主打鮑魚三食，分別係古法醉鮑魚、炭燒鹽蔥鮑魚同埋柚子燒汁鮑魚，每種食法都極具特色，鮑魚亦都好新鮮，口感滑溜彈牙。牛大人嘅火鍋湯底有好多選擇，今次揀咗招牌紅燒牛骨鍋湯底，呢個湯底係用新鮮嘅牛腿骨熬製而成，牛味非常香濃，好適合用嚟做火鍋湯底。火鍋放題又點可以唔食牛？呢度嘅日本A4黑毛和牛真係超正，油脂嘅分布非常平均，牛肉嘅紋理亦都好靚，食落香滑細膩，口感juicy，牛味香濃，絕對要encore多幾碟。除此之外，呢度嘅各款肉類、餃類同火鍋配料都應有盡有，亦有多款手調飲品選擇，最不得不提嘅就係有得任食Mövenpick雪糕同Kitkat雪條，真係超滿足呀。