影片
更多
2025-02-28
172 瀏覽
初十約出嚟團拜，今次去海港城地下個層食泰菜。兩個朋友嚟過話唔錯，佢地預早book 好枱。正正喺賣波鞋果條電梯落，都好易搵。今晚6:45嚟到，都算多人等位。餐前小吃係蝦片，我地點咗四人套餐，朋友係會員所以套餐會員價係$780，原價大既9xx. 不過做會員好簡單，dl 個app 就係會員。套餐每項食物二選一，我地點咗烤雞翼、青咖喱、船麵、海南雞飯、冬陰功、上湯浸時菜、斑斕㗎椰多士、四杯飲杯。上菜速度唔錯，唔駛等太耐。最正嘅係 「香茅椰糖烤雞全翼」 ，本身對烤雞翼無期望，最怕係又乾又硬凍冰冰。點出喜出望外！香茅椰糖配搭好香，燒雞翼火侯剛剛好，令到每啖肉咬落去都好嫩滑，仲要有汁滲出嚟。雞翼唔肥唔油，似乎用心挑選亦烤得勁好食。真心推介一定要點！第二樣驚喜「泰式豬肉船麵」，好鍾意船麵個湯底香濃但唔杰身。船麵配搭一少碟油炸鬼，配料份量好足，配菜係通菜同芽菜。分四碗，每碗都分到均勻。其次出色係「招牌海南雞」跟四碗油飯。半隻海南雞，完全唔肥，唔會油淋淋。肉質嫩滑，送飯唔覺唔覺食咗半碗。（再撈吓青咖哩送飯）。好在有條菜心清清地！ 「上湯浸時菜」菜心唔老又清甜。老實講，又飯又麵又餸，加上份量唔少，個餐五個人
今晚6:45嚟到，都算多人等位。餐前小吃係蝦片，我地點咗四人套餐，朋友係會員所以套餐會員價係$780，原價大既9xx. 不過做會員好簡單，dl 個app 就係會員。
套餐每項食物二選一，我地點咗烤雞翼、青咖喱、船麵、海南雞飯、冬陰功、上湯浸時菜、斑斕㗎椰多士、四杯飲杯。
上菜速度唔錯，唔駛等太耐。最正嘅係 「香茅椰糖烤雞全翼」 ，本身對烤雞翼無期望，最怕係又乾又硬凍冰冰。點出喜出望外！香茅椰糖配搭好香，燒雞翼火侯剛剛好，令到每啖肉咬落去都好嫩滑，仲要有汁滲出嚟。雞翼唔肥唔油，似乎用心挑選亦烤得勁好食。真心推介一定要點！
第二樣驚喜「泰式豬肉船麵」，好鍾意船麵個湯底香濃但唔杰身。船麵配搭一少碟油炸鬼，配料份量好足，配菜係通菜同芽菜。分四碗，每碗都分到均勻。
其次出色係「招牌海南雞」跟四碗油飯。半隻海南雞，完全唔肥，唔會油淋淋。肉質嫩滑，送飯唔覺唔覺食咗半碗。（再撈吓青咖哩送飯）。好在有條菜心清清地！ 「上湯浸時菜」菜心唔老又清甜。
老實講，又飯又麵又餸，加上份量唔少，個餐五個人食都夠！
不得不講吓飲品同甜品。四人餐包四杯茶，但我地全部加錢轉特飲。朋友們都叫咗「泰式奶茶」 ，佢地都話好好飲。我就叫咗「話梅青檸梳打」真心推介，酸酸甜甜加青檸 消滯，仲要大大杯，唔係飲幾啖無晒！飲吓食吓好爽！
最後嚟個「斑蘭咖椰多士」結尾。係朋友嚟食過話必點。的確好香脆，同烤雞翼一樣係必點。可惜多士份量唔多，以我有第二個甜點胃嚟講，唔夠喉！
整體嚟講，套餐嘅食物全部都有質素。喺海港城食泰菜，絕對好過上一層個間。坐得舒服、環境裝修都係新派泰國餐廳嘅裝橫。
門口兩張枱比較有特色，下次訂枱記得request ，打卡傾偈一流。（朋友唔記得咗）
香茅椰糖烤雞翼
$200
2 瀏覽
0 讚好
0 留言
張貼
