影片
更多
2021-04-27
104 瀏覽
終於明白有啲頭緒點解餐廳叫「紅堂」，除咗佢哋出名「麻辣養生火鍋」之外，佢哋嘅裝修佈置都係以紅色為主，俾人有火紅火熱嘅感覺唷！更加幸福嘅係兩個人已經可以擁有一個VIP包廂，可以喺一個私人空間開心咁打邊爐！唔使擔心食相嚇親其他人啦！經店員嘅介紹底下，我哋嗌左個鴛鴦鍋，左邊係麻辣養生鍋（揀咗小辣），另一邊係酸菜白肉鍋，因為朋友仔唔食得辣所以揀選鴛鴦鍋就最好不過啦！冇諗過麻辣鍋底仲會有埋凍豆腐同鴨血添，而酸菜白肉鍋裏面仲有好多白菜仔同白肉片，相當多料！店員仲話可以喺打邊爐之前先試下伯玉湯個湯底，果然冇介紹錯，清甜開胃！手切西班牙牛頸脊西班牙牛頸脊，厚薄適中，肥瘦均勻，一大碟約有20塊。簡單放入鍋底煮一煮就可以食啦！牛肉油香肉濃，塞滿左麻辣湯香味，正唷！西班牙依比利豚梅肉薄切嘅豚梅肉粉嫩，我選擇放喺酸菜白肉鍋煮一煮，希望保持佢嘅肉香。由於太投入食白肉，遲咗拎起豚梅肉！豚梅肉依然爽口彈牙，肉汁依然！黃喉平時食黃喉就多，和牛嘅黃喉就第一次食，感覺上更加爽口香脆！值得一試！蔬菜菇類拼盤食肉嘅同時，都需要食返啲蔬果菇類平衡返。我鍾意擺喺快啲菇類喺麻辣養生鍋，吸滿麻辣嘅香味，入口更加惹味！整體來講呢間餐廳
終於明白有啲頭緒點解餐廳叫「紅堂」，除咗佢哋出名「麻辣養生火鍋」之外，佢哋嘅裝修佈置都係以紅色為主，俾人有火紅火熱嘅感覺唷！
更加幸福嘅係兩個人已經可以擁有一個VIP包廂，可以喺一個私人空間開心咁打邊爐！唔使擔心食相嚇親其他人啦！
經店員嘅介紹底下，我哋嗌左個鴛鴦鍋，左邊係麻辣養生鍋（揀咗小辣），另一邊係酸菜白肉鍋，因為朋友仔唔食得辣所以揀選鴛鴦鍋就最好不過啦！冇諗過麻辣鍋底仲會有埋凍豆腐同鴨血添，而酸菜白肉鍋裏面仲有好多白菜仔同白肉片，相當多料！店員仲話可以喺打邊爐之前先試下伯玉湯個湯底，果然冇介紹錯，清甜開胃！
手切西班牙牛頸脊
西班牙牛頸脊，厚薄適中，肥瘦均勻，一大碟約有20塊。
簡單放入鍋底煮一煮就可以食啦！
牛肉油香肉濃，塞滿左麻辣湯香味，正唷！
西班牙依比利豚梅肉
薄切嘅豚梅肉粉嫩，我選擇放喺酸菜白肉鍋煮一煮，希望保持佢嘅肉香。
由於太投入食白肉，遲咗拎起豚梅肉！
豚梅肉依然爽口彈牙，肉汁依然！黃喉
平時食黃喉就多，和牛嘅黃喉就第一次食，感覺上更加爽口香脆！值得一試！
蔬菜菇類拼盤
食肉嘅同時，都需要食返啲蔬果菇類平衡返。我鍾意擺喺快啲菇類喺麻辣養生鍋，吸滿麻辣嘅香味，入口更加惹味！
整體來講呢間餐廳真係好用心，無論係店員嘅熱心介紹、食物嘅食材、用心自家嘅製作抑或係麻辣湯底嘅質素，都值得一讚！兩個人食咗大概$1000，都值門票價，可以成為飯聚選擇之一！
張貼
