金飯館

營業中

休息中

第一次特登喺OpenRice寫食評，都估唔到喺寫負評。本身諗住多一事不如少一事，但係條氣就係唔順，因為都唔係第一次。 一如既往收工嚟食飯，有個唔知係唔係老細嘅老伯長期都會喺餐廳打躉收銀入單，脾性古怪，一是好熱情，一時好似踩親佢條尾咁，唔講之前講今日，正常落完餐，之後就好冇禮貌咁飛張單落我張枱度，我心諗算啦，依個阿伯平時都古古怪怪，之後食嘢期間更背住撞到我食緊野個餐盤，食過依間都明，佢地上餐會用餐盤裝住野食上，我盤野食同杯野飲比佢撞到郁一郁，杯野差D倒冧。佢竟然若無其事，真係老到感覺唔到撞到後面？ 定係扮唔知，留黎比你地估啦。可能你地會覺得好少事，咁都搵黎寫，但喺今日嘅事只係冰山一角。唔想睇字海可以直接睇下面依段我唔理你喺老細定喺員工，我黎食飯唔係黎睇你面色做人，唔想做以你個老紀可以退休，唔好浪費你大廚嘅一番心機。公道講我常日黎食都喺因為間餐廳好食，而唔係黎睇你臉色。