影片
更多
2020-06-27
4432 瀏覽
3月個陣酒店做緊週年優惠買左優惠卷，high tea for 2 每人200幾蚊 ，原價698 兩位再加一，見咁抵所以就買黎試下，但因為個陣疫情開始嚴重，所以酒店可以俾我哋延遲享用，最後等到六月先去食。今日天氣好好，好開心呀酒店俾咗窗口位我哋四個人😍😍個景真係好正，終於體會到咩叫心曠神怡，留返係室內飲下茶，食吓甜品，真係唔錯！個下午茶set 一共有10樣食物，另外加一壺茶。一開始店員會問你有冇啲咩係唔識嘅，我哋有朋友唔食芝士，所以廚師會安排一份係冇芝士嘅。所以如果有敏感嘅記得同店員講聲。茶我揀左summer tea，係茶包沖出黎既，有果香味，店員會幫你添水😂等我講下有咩食啦😛1️⃣英式鬆餅及提子鬆餅配果醬及奶油忌廉下午茶必備嘅英式鬆餅，做得唔錯，好鬆化，食落好香奶油味，個果醬味道都唔會太甜，加埋奶油忌廉一齊食，就好好食。總體來講最簡單呢樣嘢我係覺得最好食嘅😂2️⃣草莓芝士蛋糕🍰係想像得到嘅味道，正常3️⃣雲呢拿大黃餡餅呢個個餡我就覺得甜咗少少 4️⃣椰子菠蘿迷你蛋糕呢個幾好食，不過冇咗啲椰絲會好啲😂5️⃣牛奶朱古力柑橘泡芙呢個冇咩特別正常嘅朱古力味。6️⃣燕麥蜜糖脆脆配朱古力牛油果布甸如果唔睇個名就咁食嘅話會
今日天氣好好，好開心呀酒店俾咗窗口位我哋四個人😍😍個景真係好正，終於體會到咩叫心曠神怡，留返係室內飲下茶，食吓甜品，真係唔錯！
個下午茶set 一共有10樣食物，另外加一壺茶。
一開始店員會問你有冇啲咩係唔識嘅，我哋有朋友唔食芝士，所以廚師會安排一份係冇芝士嘅。所以如果有敏感嘅記得同店員講聲。
茶我揀左summer tea，係茶包沖出黎既，有果香味，店員會幫你添水😂
100 瀏覽
0 讚好
0 留言
等我講下有咩食啦😛
1️⃣英式鬆餅及提子鬆餅配果醬及奶油忌廉
下午茶必備嘅英式鬆餅，做得唔錯，好鬆化，食落好香奶油味，個果醬味道都唔會太甜，加埋奶油忌廉一齊食，就好好食。總體來講最簡單呢樣嘢我係覺得最好食嘅😂
2️⃣草莓芝士蛋糕🍰
係想像得到嘅味道，正常
3️⃣雲呢拿大黃餡餅
呢個個餡我就覺得甜咗少少
4️⃣椰子菠蘿迷你蛋糕
呢個幾好食，不過冇咗啲椰絲會好啲😂
5️⃣牛奶朱古力柑橘泡芙
呢個冇咩特別正常嘅朱古力味。
6️⃣燕麥蜜糖脆脆配朱古力牛油果布甸
如果唔睇個名就咁食嘅話會好似食緊朱古力慕絲，同埋啲蜜糖脆脆都已經唔脆，淋晒。
7️⃣焗法式煙三文魚青豆鹹批
可能我本身唔鍾意食青豆所以有偏見，我覺得三文魚同青豆就唔係好夾啦。
8️⃣燒春雞雞胸肉及忌廉粟米配迷你軟麵包
雞肉都幾鞋，麵包完全冇特別。
9️⃣忌廉芝士蘆筍撻配魚子醬橄欖油
味道都唔錯，魚子醬所以都會有少少腥味，不過個撻底就太過硬身。
🔟牡丹蝦及杏脯蓉配法式奶油麵包
牡丹蝦配果醬都幾清新嘅。
總括來講，望到呢一個景再加埋有啲嘢食下每人夾二百幾蚊我覺得都唔錯嘅，一個假日嘅好活動。😆不過你預咗下午茶食物通常都係好睇唔好食，就好似以上嘅食物來講，我覺得有一半都係麻麻地。🤔另一樣野，就係時間上比較急，因為酒店分開咗兩個時間，我哋揀咗2:15入座，四點就要交枱，輪到下一輪嘅客人。
我哋都算準時到，坐低望吓風景影吓相，再同賣相唔錯嘅食物相機食先，然後每人仲有11件食物可以食，計計埋埋時間真係唔係好夠用。😂
我見酒店間唔中都會做優惠，如果有優惠嘅話大家都可以試吓嘅😎
張貼
