Cruise Restaurant & Bar

營業中

休息中

最近北角有好多新發展，有新樓盤之餘，仲開左間新酒店 - Hotel Vic。酒店門口位置有d奇怪，竟然係街市既内街，結果兜左成個圈先搵到個門口。餐廳位於高層，窗外既維港景色一覽無遺。自然光透過落地玻璃帶入室内，令人感覺舒服。午市除左有商務套餐外，當然仲可以散叫，個人其實覺得價錢都差不多。在場有個壽司師傅，所以就決定叫個商務魚生拼盤定食。份量不算太多，味噌湯、沙律、刺身5種同白飯一碗，男士的話應該唔會夠飽。油甘魚油脂豐富、帆立貝味道鮮甜無雪藏味、甜蝦爽口彈牙。時日甜品係芒果巧克力蛋糕，賣相精致。 下層餅底夠脆，而且朱古力味道濃郁，中和返上層芒果既甜。食物質素其實都可以，但略嫌有d細份，不過呢度景色真係一流。