簡.聚

營業中

休息中

老闆話請我食西餐，終於唔係茶記嘅西餐，係真真正正嘅休閒午餐。門口有張木凳，滿佈花花既設計，睇到心情開朗食都食得開心。忌廉蘑菇湯，好香菇味，忌廉好creamy好滑。田園沙律，菜好新鮮配黑醋，開胃又好味。黑糖包，暖笠笠軟綿綿，配蘑菇湯都好食。香煎盲鰽魚柳配日式柚子汁，煎魚個皮係脆架，裏面魚肉係爽係彈牙，個魚真係超好食，點下個柚子醋，直頭係fresh，我老闆咁嘴刁都話好食要encore。香煎雞扒拼老虎大蝦配燒汁，雞扒煎香，有香草味，大蝦有肉夠彈牙。連餐飲都用花花配襯，杯飲品好靚，榛子咖啡，榛子味濃，偏甜。另一杯係檸檬薑蜜熱飲，檸檬同薑比例好，酸酸甜甜，唔錯。