德美壽司

營業中

休息中

今日嚟咗食午飯，未坐低啲沙律已經喺枱面。食咗一大半沙律，竟然見到一大隻死咗嘅飛蛾（有成隻蝴蝶咁大）。話俾個侍應聽，佢仲話你係咪唔食，跟住我家人立刻回答佢：「你睇吓咁樣我點食啊？」佢先至即刻收咗佢，話：「咁啱飛咗落去啫，我哋平時都有檢查下嘅。」但重點係隻飛蛾唔係喺面頭，係喺沙律嘅中間。 我哋連正式嘅道歉都冇一句。淨係聽到個主管話個廚師：「咁大隻嘢，下次就睇清楚先至拎俾人啦。」成餐飯我已經冇乜胃口。魚生不太新鮮，串燒麻麻。我哋三個人食咗六百幾蚊，咁樣嘅質素絕對嚇怕，以後都唔會幫襯。