小魚兒 (金馬大廈)

營業中

休息中

近排知道淘寶喺尖沙咀開咗間實體傢俬店，正好屋企想換少少家具就同朋友一齊過黎朝聖睇下實物。因為鋪頭知道人山人海，就先喺附近醫肚先，再慢慢行。首先我地點了烤海鱸魚配老壇酸菜豆花，再搭配1個寬粉。因為上網睇份量都夠多，2個人SHARE啱啱好。老壇酸菜豆花的湯底酸辣適中，因為辣度和麻度可根據個人口味調整，所以我地揀咗BB辣，剛好適合我們只喜歡輕微辣味的人。湯底十分惹味，但又不會掩蓋海鱸魚的鮮味。鱸魚的肉質鮮味，烤過後仍保持嫰滑。配菜仲有爽脆的青瓜和嫩滑豆腐，讓整道菜品味層次分明。寬粉更加吸湯，煙煙韌韌又滑嘟嘟，一邊食一邊吸滿酸菜湯汁，十分惹味。香蒜燒茄子 一上枱已經聞到濃郁烤蒜香味，茄子燒得外香內軟，輕輕一撥就可以將茄肉夾起，味道香甜，同酸菜魚一齊食都好夾。再配上一杯香檳葡萄乳酸爆珠梳打，甜甜酸酸又解辣又解渴。埋單兩人總消費都唔使$500，性價比相當高。餐廳環境寬敞舒適，員工服務親切，適時幫我地換碟加湯。整體感覺放鬆又愉快。雖然餐廳還有其他菜式選擇，例如雞煲、燒烤食物和串燒等，但我們這次已經吃得相當飽，唯有期待下次再來嘗試雞煲或者其他口味。