群記牛肉圓豬手

營業中

休息中

去到粉嶺聯和墟就一定會黎呢一間老店朝聖，今日仲好好彩竟然叫到炸卷，因為通常星期六日公眾假期佢嘅炸卷只係開舖頭一兩個鐘供應，今日成2點先去都仲有真係超Lucky。我們二人前叫了一大一細淨豬手加一碟炸卷盛惠$125，清湯豬手煮得夠淋，一邊食一邊feel到有豐富骨膠原，唔洗用到南乳去炆都夠晒味就係呢度D豬手的特色，加埋佢嗰碟秘製辣椒油真係回味無窮。至於個炸卷今日整得麻麻，唔夠乾身唔夠脆，佢其實係腐皮包住D鹹牛肉去炸，由於花時間同功夫所以一多人幫襯就會唔做，平日去食到的機會大好多，假日就真係食頭圍先有機會叫到。