群記牛肉圓豬手

營業中

休息中

粉嶺既聯和墟都係一個我曾經做野成日會黎搵食既地方呢個地方都算幾多選擇雖然好多舖頭好快開完又執執完又開但都仲有好多幾有名既舖頭存在係度老婆就話要去食呢間群記豬手話係開業左幾十年好似話同大埔執左既群記無關係既見網上成日都話要排晒隊去食呢個暑假星期六兩點幾就直入群記就真係好老式粉麵店既舖面多人時間應該要搭檯而且入面仲係無冷氣暑假黎到係比較辛苦既檯面無餐牌然後坐低無耐就會有小二問你要咩兩頭望都係得牆身上面幾隻字其實就睇唔明有麵定無麵後面又寫粉麵13蚊總之就叫左碗牛腩粗麵一碗豬手米仲有碗細牛丸四方檯夠大張擺晒係完全無問題呢度仲有樣話好出名既辣油就係出面自己拎佢已經分好晒細細碟擺係度豬手米我地就無叫到大定細比錢果時計番個價錢就應該係大黎既47蚊同牛腩一樣好大份舖滿晒成個碗豬手完全唔靭唔會炆到淋晒仲好有咬口 膠質都豐富唔多骨咁係幾好食既不過我地落完單之後見有唔少人想入黎食豬手門口侍應個個都彈番句無晒豬手啦三點半再黎啦但係之後又見到有人可以買到wor有傾有講果隻即係熟客就留比你生客就下輪先有牛腩粗比較碎同有膏位不過份量都一樣多腩汁好惹味咁個辣油個味太過出我覺得會蓋過晒所有野仲有碗淨牛丸上網睇就係同細牛

群記的其實一直都好有名氣，當日去到都係排哂隊，好彩剛好入左一輪客，所以唔洗等十分鐘都入到座。出名豬手米豬手唔係齋骨，都好多肉咬，而且味度唔係重，亦無騷味，肉質煙韌牛丸勝在丸量多，味道不錯，彈牙稱唔上，不過都是值得點的配料麵得韌度剛她，我覺得出色過米粉全店靈魂辣椒醬，會令人上癮的味，用黎點肉定加落湯麵都即時令其升華，如果唔太食到米線店小辣，其實應該頂唔順，有啲可惜！可惜今次叫唔到炸圈，如果唔係應該更加滿足。

第一次到這個墟，不知道這裡有什麼美食較為出名，於是便從網上看看網友有什麼美食介紹。結果便到了這間「群記」，這間出名食「牛丸」和「豬手」。沒想到，2點多到達，店員話要等到3:30pm先再有豬手賣。於是我們大約3:40pm便再到店舖，排了一陣間便可以入座😌。店內裝潢仍保留着40年老店的裝修色彩。我們點了一份細豬手面和一碗淨牛丸。首先試了一口湯「豬骨湯」。很好👍🏻味！之前便試馳名的「豬手」！果然！本身並不是豬手愛好者的我，一看豬手白白的，並沒有抱任何期望下食這一口！嘩！好好👍🏻食！豬肉燉得好林，但豬皮卻依然保存彈牙煙靭嘅口感。肉也好入味。我真係好耐沒食過咁好味的豬手！真的超乎預期！難怪，我離開時，大約4:05pm…付款完畢後，便已經聽到👂🏻職員話「豬手賣光」啦！因此，我先立即睇手錶，先記得4:05pm….心諗，咁快便賣完？我再望望店舖的營業時間。嘩！11-5pm…..真係好厲害👍🏻！勁！

群記豬手呢間舖，真係令我有啲疑惑喎。🤔🐷話說佢係粉嶺嘅名物，成日見到大排長龍，仲要經常賣斷市。🚶‍♂️🚶‍♀️🚶 睇落好似好出名咁，但係我就真係唔明點解咁多人慕名而來。😕首先講豬手啦，應該係主打嚟㗎？但係食落去味道好淡喎！🥱 完全冇我想像中嘅香濃味道，真係有啲失望。😞再講五香卷，我覺得又偏鹹咗喎。🧂😫 食完真係成個人好鹹㗎！至於牛丸，真係好普通嘅。🥩🤷‍♂️ 街邊隨便一間牛丸檔都差唔多咁嘅水準。最慘係個環境仲要坐得好迫。😓🏠 周圍都係人，根本就冇私人空間，食得好唔舒服。仲有啲店員態度比較粗魯，真係令人食得唔太開心。😠🙅‍♂️老實講，我真係唔明點解咁多人慕名而來。🤷‍♀️❓ 可能我嘅口味同大眾有啲唔同？定係我去嗰日佢哋發揮失常呢？🤔總之我覺得食過一次就夠啦，真係唔會再幫襯。🙅‍♂️🚫 相比起要大排長龍，仲要可能買唔到嘢食，我寧願去第二間好過啦！如果你都係慕名而來嘅遊客，我建議你都係諗下先啦。💭🤔 粉嶺仲有好多其他好食嘅餐廳㗎，何必要浪費時間喺呢度呢？希望群記豬手可以改善吓佢哋嘅問題啦，咁先可以對得住佢哋嘅名聲啊！🙏💪 但係喺未改善之前，我諗我都係唔會再去喇！👋😅

屹立粉嶺多年嘅老字號麵店，一直都想黎朝聖，但係唔知咩原因從未踏出第一步，直至一次同朋友路過就入左去。 環境方面係會令到大家坐得親密少少，富有香港舊式鄰里關係嘅情懷。 豬手同肉丸都出名嘅，所以就叫左豬手肉丸米粉。另外都想試下炸卷，可惜兩點幾已經賣曬（當日係平日），想試嘅朋友可能要早少少去。 整體黎講有一種懷舊嘅感覺，味道方面好似無咩焦點，又唔係唔好食，但係好似講唔出有啲咩深刻印象咁。辣椒油幾香，同舊式魚蛋粉舖頭嗰啲差唔多。 總括黎講係不過不失同埋港式懷舊風味。

以前得閒經開都會過嚟食豬手米粉 每次去到都係坐滿人不論任何時候 亦有唔少人外賣最近依幾次過嚟咁啱都冇開門 今日過嚟終於有開門啦今次冇選擇喺堂食，因為book咗枱食飯，所以即刻要買返兩碗外賣返屋企宵夜食😚 味道同以往一樣都好好味 唔會話好肥，亦唔會話太瘦湯底好似比以前鹹咗少少 或者可能看耐咗少少，所以佢鹹左辣椒油係配豬手必備嘅調味料 辣椒油比起其他舖頭鹹少少，但係亦都唔太差下次再去幫襯嘅時候要食返米粉 豬手配米粉，再加少少辣油係絕配

朋友帶左我去粉嶺，話有間豬手好食，咁就去試下la一坐低，就一人一碟辣椒油，嗌左豬手撈粗同牛丸牛腩米豬手好淋，撈粗好食，牛丸同牛腩都唔錯辣椒油好香，唔食得辣嘅我都忍唔住再refill🤤

開心今日下午陽光普照，和熙的陽光，微涼的清風，蔚藍的天空，帶我到了聯和墟。景致依舊，在肚皮有限的空間下，我想念群記豬手。就心動即行動，好好品嚐一下。藉當日依稀的印象在聯和墟市間穿梭，在小巷中再到群就。。。已時下午三時。。。決定豪食一次要牛家鄉炸卷及大碗凈豬手。。。要係好嘢，就會特別搶手。。一聲賣哂，欲哭無淚，只能好好細嚼豬手了。當然對我來說，群記另一名物是其辣椒油，佢哋自家製，超香辣度適中，與豬手極夾。

淨牛丸無咩特別唔算彈牙只係覺得湯甜炸卷腐皮包住鹹牛肉腐皮脆口牛肉多汁值得一試豬手麵豬手味出色唔會太韌爽口彈牙白烚都好有味道米粉普通湯底加辣椒油一流群記牛肉圓豬手 (粉嶺)粉嶺聯和墟聯昌街5號豐景樓地舖

雖然餐廳冇冷氣，夏天食既話真係好熱，但都無阻我既熱情😂而且就算住天水圍都要間唔中揸車過黎食碗豬手河加淨丸。有時過到嚟賣晒豬手都要特登等到下一round，唔想走人😂😂好香胡椒湯底嘅大豬手河，每食一啖河粉都可食埋佢既湯底，清湯得黎又唔dry😂另外，豬手啖啖肉，而且又冇豬毛👍🏼👍🏼👍🏼豬手點埋個辣椒油好正又夠香，而且唔係好辣，都啱啲唔食辣嘅人去點另外個牛肉卷都好值得一試，但係今次去就賣晒冇影到相

呢間麵店，喺我中學年代已經有跨區食，當時有個男朋友住粉嶺，佢帶我試完覺得好食，間唔中都encore 😂 聯和墟唔多出名嘅食店，呢間係其中一間，就算平日食都要排隊🫢群記食豬手其實出名啲，入親去食，十檯入面十檯都有食豬手😂 但因為我呢日淨係想食牛丸，所以叫咗個牛丸米（細$35），但太睇少自己😂 叫個細唔夠食，最尾又加多碗淨牛丸（$35）🤣🤣 佢個牛丸牛味濃而且彈牙，好食～ 記得要試埋佢個辣油，加埋食簡直係錦上添花🤭

群記牛肉圓豬手在北區住了那麼多年, 講真, 除非你唔食豬手或者豬肉。否則, 真係應該要幫襯下食吓~以前屋企人帶我去食, 其實唔太知有咩特別。但當人大了, 食過出面既花巧野就會明白其實呢度既豬手真係算抵食同好食。佢既湯底唔特別, 但胡椒味真係唔錯既。豬手食落口係爽淋, 而非滿滿骨膠原的 “漿”口感。如果為求漿口感的, 可能真的會令你失望。但這爽淋的口感相對不會令你吃到油膩感。我個人就頗欣賞的。一碗淨豬手或一碗豬手米的量其實很多，比起外面九龍香港的物價真算很抵食了。還有不得不說他們的辣椒醬，每次我都要添加。因為太香了. 豬手搭上他們的辣椒醬，你就會明白為何平平無奇的胡椒湯底都那麼多人來光顧。鋪頭堂食我就真係只會非夏日幫襯~畢竟沒冷氣真的在炎夏有點難受。但我又怕佢加左冷氣後食物價錢急升, 所以….不表態了~

好好食唔算太貴50幾蚊就食得飽豬手麵要配忌廉先好食10分推薦一生人點都要食幾次牛肉丸都好好食最好食嘅係辣椒醬好香嘢食上得好快唔使5分鐘就到環境好懷舊好適合趕時間去食

屹立粉嶺聯和墟多年的老字號「群記牛肉圓豬手」，以豬手馳名，每日午餐時間都人頭湧湧，外賣訂單接不停，大部分食物4:00就賣晒，店舖嘅豬手爽滑彈牙，秘製既味道好香濃入味，今日已經冇晒豬手，佢嘅辣椒醬入面有香濃嘅蒜頭，非常出色，而且係不外銷售的，每次經過都會入去食番碗，特別要注意店舖好早關門，5:00前己經打烊。牛丸米$35牛丸係自己手打，香濃彈牙，米粉同湯底真係好好味。群記牛肉圓豬手 (粉嶺)粉嶺聯和墟聯昌街5號豐景樓地舖

粉嶺必食嘅群記難得平日可以去得到梗係要叫家鄉炸卷啦，我地1點幾去到竟然已經係最後一碟，我地後面仲有人叫不過廚房已經話賣晒。呢碟家鄉炸卷其實就係腐皮包住鹹牛肉然後炸到佢脆口，基本上星期六日公眾假期都唔整，又或者一開門已經賣晒。不過今次係近期第二次食到，口感同味道都係差咗，下次黎未必會再叫。不過佢D豬手同牛丸仲係好好食，值得咁遠入黎會一會佢嘅。