金豪酒家

營業中

休息中

深水埗食肆林立，要爭一席位確係不容易，呢間酒家經營都有一段日子，至今仍然好多捧場客，反應呢一間酒家嘅食物質素有一定保證。「砂煲芥蘭啫啫煲」先將砂煲燒熱，再放上已炒熟嘅芥蘭同爽肉，捧到上枱面，侍應再即席炒兩炒，即時白煙冒起，加上炒菜聲，簡直聲勢十足！芥蘭有鹹香味道，送飯一流，豬肉亦很入味，爽而不「嚡」，十分惹味。龍躉兩味「翡翠炒球」龍躉大大舊，炒得很香很鮮味，魚肉厚身卻不「嚡」，顯示炒功鑊氣十足，而配菜西芹也炒得很爽口，雖然表面上睇落好似好多油，但食落去嘅時候唔會油膩，讚！「清蒸斑頭腩」相較於「翡翠炒球」，清蒸並不是代表食得淡口啲，反而食到魚肉嘅新鮮，也看到蒸的時間掌握得好，加上面頭鋪上了蔥花，特蔥花混埋魚肉一齊放入口，層次口感提升。夏日炎炎，呢啲風味小炒一定要配杯啤酒先夠爽。