金鳳大餐廳 (山林道)

營業中

休息中

尖沙咀山林道金鳳自從新裝修之後都無去過，入到去感覺非常光猛，又整齊乾淨，不過都係依舊嘅餐牌。叫咗兩個鐵板餐，一份牛柳，一份西冷，牛柳五成熟，西冷三成熟，一碗羅宋湯，一碗忌廉湯。羅宋湯味道只有一般嘅酸味，不過個忌廉湯就真係無味。三成熟嘅西冷入口的確幾好，好嫩口，又唔會好多血水，又好大塊，好抵食。五成熟嘅牛柳就唔太好，口感都嫩，不過食到三分之二發覺有啲包裝嘅膠同埋有啲酸，所以無將剩反嘅三分之一完成。最後就係，有個員工無啦啦喺大家用餐嘅時候拎櫃上面嘅紅酒抹，搞到周圍都係清潔劑味同塵，非常影響食慾！