影片
更多
2022-07-07
271 瀏覽
這是對$4的爛筷子！見人地ig foodie 介紹呢間牛舌好正，牛舌控當然試試佢。不過基於唔識用宇宙通行證，咁咪嗌外賣，但就因為咁有段小插曲。入到去就嗌喇，之後店員去印單喇。然後，企喺廚師發辦位置，打扮得時髦而又貌似老闆娘嘅女士就問我要唔要餐具。我話需要，佢就話要收錢架。弱弱而又見識小的我，終於第一次遇到會收餐具錢嘅餐廳，咁我就決定一陣出去用手食喇，之後就話唔需要。但在商言商，明白嘅。之後盡責老闆娘就同店員大聲講，唔要餐具。最後店員就俾咗張我，合共$112，我話原來盒錢收4蚊。佢地話盒同膠袋都要錢，咁我就多口問唔要膠袋可以嗎。店員就話冇袋好難拎。咁我就期待下呢餐幾咁豐富喇。喺等外賣期間，我弱弱的問店員，既然外賣盒果啲收4蚊，咁如果要埋餐具要幾錢呀。店員就話其實呢個餐外賣點都係收4蚊。我得知真相條氣就好唔順喇，咁老闆娘你既然預左收我4蚊外賣盒同餐具，之後問完我話唔洗餐具，外賣費冇收少我不得之，宜家仲拎埋我份餐具。雖然你唔知我之後打算用手食，但你都冇理由咁唔老實姐，既然4蚊包埋餐具就唔好慳喇，仲想呃我。講真，收外賣盒呀餐具呀要錢都合理嘅，既然我都特登過嚟食嘢買外賣，收多我一倍外賣附加費，我
見人地ig foodie 介紹呢間牛舌好正，牛舌控當然試試佢。不過基於唔識用宇宙通行證，咁咪嗌外賣，但就因為咁有段小插曲。
入到去就嗌喇，之後店員去印單喇。然後，企喺廚師發辦位置，打扮得時髦而又貌似老闆娘嘅女士就問我要唔要餐具。我話需要，佢就話要收錢架。弱弱而又見識小的我，終於第一次遇到會收餐具錢嘅餐廳，咁我就決定一陣出去用手食喇，之後就話唔需要。
但在商言商，明白嘅。
之後盡責老闆娘就同店員大聲講，唔要餐具。
最後店員就俾咗張我，合共$112，我話原來盒錢收4蚊。佢地話盒同膠袋都要錢，咁我就多口問唔要膠袋可以嗎。店員就話冇袋好難拎。咁我就期待下呢餐幾咁豐富喇。
喺等外賣期間，我弱弱的問店員，既然外賣盒果啲收4蚊，咁如果要埋餐具要幾錢呀。店員就話其實呢個餐外賣點都係收4蚊。我得知真相條氣就好唔順喇，咁老闆娘你既然預左收我4蚊外賣盒同餐具，之後問完我話唔洗餐具，外賣費冇收少我不得之，宜家仲拎埋我份餐具。雖然你唔知我之後打算用手食，但你都冇理由咁唔老實姐，既然4蚊包埋餐具就唔好慳喇，仲想呃我。講真，收外賣盒呀餐具呀要錢都合理嘅，既然我都特登過嚟食嘢買外賣，收多我一倍外賣附加費，我想食嘅點都會買。但我唔想你因為餐具嘅1蚊定唔知幾錢而出賣你餐廳聲譽，唔值得架。最後我就叫店員俾番餐具我，拎番我應得嘅。
用餐時，發現餐具有瑕疵，心再又不順。既然你咁著重我份餐具，點解要俾個會易拮親嘅壞餐具我。平時啲餐廳俾啲瑕疵餐具我真心冇所謂，食到就得。但時髦老闆娘你咁著重份餐具，你又有冇顧我食飯嘅安全。
點都好，老闆娘問題唔會影響我對食物評價。前菜沙律新鮮同埋個醋汁係好食，味噌湯都係足料香濃嘅。
到主角牛舌喇，5大塊厚厚嘅牛舌收$108都合理喇。食落仲要係好嫩好淋，面頭黑椒碎貌似多，但都唔會掩蓋咗牛舌嘅味道，每啖都食到牛舌油香，正一好似打茄輪咁。所以牛舌係正嘅。
但敗筆嚟喇，啲飯同時髦老闆娘一樣濕 滯。講真雖然我鍾意食已結業嘅元朗軟飯王，但我唔係鍾意食又軟又濕嘅飯。啲珍珠米俾你搞彎曬喇。飯係有燒汁，但一定唔係汁太多嘅錯，啲飯煮出嚟本身就咁濕。將牛舌油香餸飯係做唔到，啲飯映衰曬啲牛舌。所以只好快快用1，2塊牛舌配飯食，之後再享受同牛舌打茄輪。
所以大家記得買外賣時記得叫老闆娘準備好妥當嘅餐具，同埋叫佢唔好請你食軟飯呀！
張貼
