路易奇電力公司

營業中

休息中

路易奇電力公司服務同環境都幾好，全程都唔使自己燒肉，好有去旅行嘅感覺。⭐️極生牛肉佐帕瑪森起司 牛肉他他夠新鮮，同Parmesan Cheese一齊食，再加上少少魚子醬，Cheese同魚子醬嘅鹹香提升咗牛肉嘅味道，作為開胃菜啱啱好。⭐️美國牛舌厚切 牛舌厚切燒到外脆內嫩，每一啖都充滿肉汁，配上青檸或者自家製嘅薑蔥醬，一道菜食到兩種唔同嘅味道。⭐️美國醬潰封門柳 封門柳本身肉味就比較濃，加上餐廳提前用特製嘅醬汁調味，味道非常濃郁，最啱食完蔬菜之後食。⭐️日本A5和牛莎朗 日本A5和牛莎朗係極厚切，和牛油花分佈均勻，烤完之後入口即溶。因為和牛嘅油脂感比較重，個人建議配柚子醬油或者黑松露醬食會冇咁膩。⭐️本日蔬菜 幾款蔬菜入面最鍾意山藥，烤完之後會有拉絲嘅效果，但係外層爽脆，加上明太子醬，微微鹹又唔會搶咗山藥本身嘅清爽感。⭐️真理丼一個用和牛他他做base嘅丼飯，入面仲有海膽丶黑松露丶魚子醬同生蛋黃，賣相精緻，Mix嚟食之後好惹味。⭐️甜品甜品係豆乳雪糕，作為豆製品愛好者超級推薦，豆味香濃而且幾自然，兩三啖就食完個雪糕lu。