割烹 櫓杏 (iSQUARE國際廣場)

營業中

休息中

好一陣冇食日本菜，今次同表姐出嚟逛街，就喺尖沙咀呢度發現咗呢間以熊本城為主題嘅【割烹 櫓杏】。晚晚佢哋有提供晚餐套餐，表姐話想試吓，就陪咗表姐嚟呢度食晚餐。 呢度嘅dinner set提供嘅menu菜品都唔少，嚟推薦一下令我印象深刻嘅幾味菜 【火山鍋】：就係豬肉火鍋，份量幾大鍋，尤其豬五花俾得特別多，睇賣相就覺得顏色好靚，有好豐富嘅配料。食起嚟一啲都唔膩，因為成鍋嘢都好清甜。 【熊本天草鮮魚壽司三件】：入面有三件壽司，魚肉都非常新鮮，然後配埋酸薑、wasabi同醬油，帶出咗魚肉嘅鮮香，非常鍾意佢哋嘅壽司！ 【鰻魚同青瓜配土佐醋】：呢味我都係第一次食，亦係第一次聽到呢種搭配，但係冇諗到咁驚艷，鰻魚嘅鮮、青瓜嘅甜、土佐醋嘅香，可以咁好食，非常推薦！ 【柚子雪葩】：作為飯後甜品，非常合格，佢可以解膩，因為帶有微微嘅酸，仲有少少柚子清香，重點係唔會太甜，調配得啱啱好。 我同表姐對呢度嘅印象都係非常好，之後佢仲帶咗老公再嚟食佢哋嘅lunch set，都係好好食。我都非常推薦大家嚟呢度食！