壽兵衛 - 壽喜燒專門店

營業中

休息中

去咗銅鑼灣一間壽喜燒專門店壽兵衛食關西風壽喜燒，晚市套餐由$498起，今晚就叫咗仙台A5箱降和牛套餐 $1280，師傅全程即席幫手燒。頭盤三款都幾精緻，鮑魚夠彈牙，水雲醋酸酸地幾開胃，蟹豆腐滑溜。刺身四點新鮮，油甘魚油脂豐富，北海道帆立貝爽甜，赤身同牡丹蝦都唔錯。茶碗蒸有馬山椒同穴子，蛋滑，鰻魚味道唔錯。最深刻係壽喜燒部分，牛舌厚切，口感軟嫩爽脆。而主角仙台A5和牛西冷油花靚到不得了，輕輕煎煮到5-7成熟已經入口即溶，配埋蛋汁真係幸福感爆燈。野菜盛合有好多配菜，吸晒壽喜燒汁好好食，尤其洋蔥。最後係舞茸菇清湯同密瓜甜品。整體黎講服務員好細心，成個用餐過程好舒服。食完真心覺得值回票價，特別日子要慶祝嘅話會想再嚟。