十八夢

營業中

休息中

為咗幫朋友慶祝生日，我哋揀咗Meta Stages，一間有現場音樂演出嘅餐廳。由頭盤到甜品，每一道菜都見心思，味道亦相當有驚喜。最先上枱嘅泰式牛肉串燒非常惹味，炭香滲入牛肉，口感嫩滑。之後嘅炸鱈魚Nachos超出預期，香脆中帶魚鮮，配搭得創新又唔失平衡。蟹肉燴飯同羊架都係主菜亮點，尤其羊架，煎得香脆，肉嫩無羶味，一試難忘。但整晚最難忘嘅，唔止係食物，而係氣氛。餐廳有現場表演，小提琴師技巧高超，拉奏時情感豐富，一曲接一曲，好似將成個空間都包圍住，仲有鋼琴伴奏同歌手輕唱，成晚聽住live music食飯，真係好享受。甜品環節特別有心思，為咗幫壽星慶生，餐廳送上特製嘅Meta Dessert Platter。除咗甜品精緻好味，最搶眼係中間一個飛天鞦韆音樂盒，會旋轉仲播住音樂，浪漫得嚟又有童話感，真係好靚，壽星女見到都忍唔住不停影相！一晚美食加上音樂陪伴，令成個生日飯變得特別又難忘。