影片
更多
2024-05-05
31 瀏覽
喜來稀肉依間韓國人氣燒肉店在香港開業都一段時間，但仍然吸引不少擁躉嚟支持. 銅鑼灣分店平日夜晚時段也有不少人幫襯，當中包括韓國人及其他外籍人士. 當晚剛好有一枱韓國人慶祝生日，加埋餐廳的環境佈局及韓籍服務員，有啲感覺似身處韓國. 食物方面叫咗我飛佛蛋拌生牛肉、蔘雞湯及蟹籽紫菜飯團，燒肉方面叫了護心肉.護心肉原來即係豬的橫隔膜同肝之間的部位，每頭豬只有200 至300克，係好珍貴的部位.燒咗之後肉味香濃而又有嚼口，蘸燒肉汁食或加埋生菜食也可，亦可根據個人喜好加泡菜一齊食，別有一番風味. 蛋拌生牛肉雖然唔係人人敢食，但敢食嘅應該會鍾意.曾經食過西式做法嘅生牛肉，但始終都係鍾情韓式嘅生牛肉，鍾意佢用梨同青瓜撈埋啲生牛肉蛋加埋芝麻粒，牛肉彈牙又有爽口感，又滑又甜，正呀.蟹籽紫菜飯團，附上手套，可以自己搓飯團，帶小朋友去食又可以俾佢學下，實行親子樂. 蔘雞湯餐廳細心哋另外附調味鹽，可以根據個人口味去加調味料🧂，雞內有好多糯米，食完好滿足😋.
張貼
