影片
更多
2021-08-30
54 瀏覽
- 韓國菜除左韓燒之外，您仲諗到啲咩？- 今次想同大家介紹一間新派韓式餐廳，食物都係由西餐同韓國餐結合，特別得黎又好味。- 餐廳主要係純白色同木色，部份枱面仲好有設計感，有紅葉或者切割木頭鑲嵌入枱。而且座位非常舒適，天花仲掛住乾花乾草，影相打卡一流！- 今次我地一行四人，可以叫多幾款食物同飲品分享🥰！輕食方面，叫左韓式牛扒三文治🥪同芝士炸千層豬扒；主食方面，叫左燒牛肋骨蛋包飯同韓式卡邦尼意粉；飲品方面，叫左兩杯夏之白桃奶酪🍑、盛夏白桃梳打同士多啤梨鮮奶咖啡；而甜品方面，就叫左烤朱古力棉花糖。- 先講輕食韓式牛扒三文治🥪同芝士炸千層豬扒。前者賣相好精緻，有兩件焗到脆脆既韓牛多士，再配三款特色沙律🥗，例如：蘋果薯仔蟹子沙律、紅菜頭沙律同南瓜青瓜藜麥沙律。而芝士炸千層豬扒就非常邪惡，滿佈濃郁既芝士🧀，仲可以無限拉絲！ - 主食方面，個人覺得韓式卡邦尼意粉🍝略勝一籌。因為呢個意粉勁Creamy，再加上表面有好多煙肉脆脆同蘑菇，味道非常夾。但朋友比較喜歡另一款燒牛肋骨蛋包飯，牛肋骨比較濃味，必須配搭蛋包飯一齊食！牛肋骨一啲都唔會好乾，反而炆到好淋，旁邊配菜都好入味。- 飲品方面，白桃奶酪🍑既味
- 今次想同大家介紹一間新派韓式餐廳，食物都係由西餐同韓國餐結合，特別得黎又好味。
- 餐廳主要係純白色同木色，部份枱面仲好有設計感，有紅葉或者切割木頭鑲嵌入枱。而且座位非常舒適，天花仲掛住乾花乾草，影相打卡一流！
- 今次我地一行四人，可以叫多幾款食物同飲品分享🥰！輕食方面，叫左韓式牛扒三文治🥪同芝士炸千層豬扒；主食方面，叫左燒牛肋骨蛋包飯同韓式卡邦尼意粉；飲品方面，叫左兩杯夏之白桃奶酪🍑、盛夏白桃梳打同士多啤梨鮮奶咖啡；而甜品方面，就叫左烤朱古力棉花糖。
- 先講輕食韓式牛扒三文治🥪同芝士炸千層豬扒。前者賣相好精緻，有兩件焗到脆脆既韓牛多士，再配三款特色沙律🥗，例如：蘋果薯仔蟹子沙律、紅菜頭沙律同南瓜青瓜藜麥沙律。而芝士炸千層豬扒就非常邪惡，滿佈濃郁既芝士🧀，仲可以無限拉絲！
- 主食方面，個人覺得韓式卡邦尼意粉🍝略勝一籌。因為呢個意粉勁Creamy，再加上表面有好多煙肉脆脆同蘑菇，味道非常夾。但朋友比較喜歡另一款燒牛肋骨蛋包飯，牛肋骨比較濃味，必須配搭蛋包飯一齊食！牛肋骨一啲都唔會好乾，反而炆到好淋，旁邊配菜都好入味。
- 飲品方面，白桃奶酪🍑既味道比較似奶蓋，有少少芝士鹹香味，反而唔似乳酪，鍾意奶蓋既朋友一定要去試下。而白桃梳打就完全唔同口味，白桃味糖漿唔會太假，加上有汽梳打，味道非常清新。而士多啤梨鮮奶咖啡☕️就咖啡同奶味重啲，放工飲非常醒神。
- 甜品方面，我地叫左烤朱古力棉花糖。平視我唔太好甜，但呢款竟然唔會過甜，好似BBQ烤棉花糖咁，外脆內軟，再加上朱古力醬同消化餅碎，非常和諧。
張貼
