柞木炭家

營業中

休息中

今次試嘅係韓燒嘅滋味！呢個好正嘅套餐，叫「宮・饗宴」，一共$788，份量同質素都好夠，啱晒2個人人一齊分享，燒吓嘢傾吓首先講吓前菜，佢哋唔係每人一份，而係一共上咗好多款，夠晒豐富！有泡菜，酸辣開胃，夠爽脆；仲有海帶，清新又健康，帶點海洋嘅鮮味；同埋大蔥沙律，蔥香撲鼻，食落清爽，呢啲前菜一齊上，真係好有韓式風味，開胃到不得了之後入正題，套餐嘅主菜好精彩，第一樣係薄切牛舌，燒一燒，嫩滑又有咬口，牛味濃郁，超正！跟住有牛小排，油花分佈得啱啱好，燒完 juicy 又香。嚴選腹胸肉都唔差，肉質軟腍，脂香滿溢，食完真係好滿足重頭戲有黑毛和牛西冷，肉紋靚到爆燈，燒到 medium rare，入口即化，牛味濃到一個境界，絕對係整餐嘅焦點！另外仲有豬肋肉同大八爪魚，豬肋肉燒得香脆，八爪魚爽彈可口，兩樣都好有特色配菜方面，有韓式燒什菌，菇類新鮮，燒完帶甜味；韓式蒸蛋軟綿綿，熱辣辣好窩心；韓式撈起拌麵彈牙夠味，醬汁酸辣解膩，食完燒嘢再嚟一碗好正飲品有加配柚子檸檬梳打水，清新解渴；我仲試咗荔枝梳打，甜甜地好夾燒嘢，飲完好醒神！