喜來稀肉 (登龍街)

營業中

休息中

今日放工同同事去食燒肉，喜來稀肉真係我同朋友都覺得係最好食既燒肉店。爐邊仲有芝士蛋同泡菜蛋。每次都最少會食2-3轉蛋。食完可以再叫真係太令人滿足啦。我地叫左兩款，五花肉同喜來五花肉配特製醬汁。有醃製嘅肉味道較濃郁，帶有甜醬油味，用嚟送白飯一流。燒肉沾上少少鹽再加白飯，令肉味更出色，韓國米飯又甘香，粒粒分明，有咬口。原味嘅五花肉，我就好鍾意用生菜加埋芝士蛋包埋一齊食。口感豐富又有層次，呢個配塔真係一流。仲叫咗個烏冬，海帶湯清甜，腐皮又入晒味。烏冬好彈牙，不知不覺就食哂成碗。燒肉又點可以少得支燒酒呢 豐富又好食既一餐！