喜來稀肉 (登龍街)

營業中

休息中

喜來稀肉呢個品牌就唔同大家多介紹啦想食韓燒我就會諗起佢之前去過尖沙咀個間今次係銅鑼灣附近就試下銅鑼灣分店有冇唔同先又真係再略勝一籌 不過又各有特色客人既種類亦唔一樣尖沙咀分店會見到好多韓國人食客裝潢亦比較地道d 不過附送既泡菜配菜種類無咁豐富 但臨走會每人有條雪條食銅鑼灣分店嘅裝潢就比較新淨隔離幾枱都係外國人 出邊嘅泡菜配菜種類多d 不過就無雪條食🤣我地一行二人叫左護心肉（豬），牛肋骨肉，韓式豬皮，韓式牛肉拌飯同兩杯high ball🤩兩個泡菜控一人一兜仲要refill😂泡菜有兩款，分別係喜來泡菜同韓式酸泡菜，我地都一致鐘意喜來泡菜多d,食落口感覺會清爽d無咁冧同無咁酸，就咁食都會食下食下食左成兜😂另外既醃青瓜同酸蘿白都好醒神開胃，鐘意！自助區仲有醬料同一兜兜生菜比大家用黎來燒肉食！至於肉類，豬既護心肉同牛肋骨肉我都覺得係基本必食既，份量適中，口感唔會太肥膩有咬口唔太冧，搵塊生菜包住一舊燒肉，幾塊蒜片，兩片泡菜再加少少辣醬，掂哂😋😋😋😋至於邪惡推介，大家不妨試吓燒豬皮，不過燒得豬皮要有特別既燒烤技巧，真係佢搶火得黎又好活潑，彈黎彈去🤣🤣我都係第一次喺香港食佢，配黃豆粉咁食，又幾得意喎！