自家製韓國刀削麵 (駱克道)

營業中

休息中

同朋友喺灣仔搵地方食晚飯，試咗呢間主打韓國冷麵嘅舖頭。地方唔算大，坐位安排得比較密，但都乾淨整齊，翻枱快。辣拌冷麵麵質煙韌彈牙，撈醬汁之後酸酸辣辣，辣味唔會太勁，開胃，蔬菜新鮮，份量正常。夏天食特別爽。仲有好幾去牛展，冇乜調味但撈埋醬汁係好唔錯。蜆仔湯麵湯底清清哋，有啲蜆味但唔會太濃，唔會覺得飲完口渴，適合鍾意淡口味嘅人。蜆仔無沙，朋友話算乾淨，麵係滑身嗰種。海鮮韭菜煎餅比較薄身，邊位煎得香脆，有韭菜味，唔會太油。但海鮮料唔多，主要都係食韭菜同粉漿口感。兩個人食分嚟試下都覺得好味😋。以灣仔區嚟講算平，味道唔差，唔係重口味嗰種，都幾唔錯👍🏻