韓雅林

營業中

休息中

黎過韓雅林好多次，不過今次係第一次試佢既火鍋。因為想食麵，而鮮牛肉麵鍋有配埋，所以就揀左佢啦。叫完野食佢就上泡菜，兩個人有八款個人最鐘意菠菜、薯仔同韓式紫菜。菠菜好香麻油味；薯仔又粉又有蜜糖味；韓式紫菜好咸香。火鍋料有牛肉、菇、菜同麵。牛肉肥瘦均勻。菇有五款，分別係秀珍菇、雞脾菇、茶樹菇、鮮冬菇同金菇。 菜有娃娃菜、小棠菜同韮菜。原本以為火鍋個湯底係韓國辣椒醬個啲，點知係清湯有啲失望。不過原來佢係之後調味既，會落蒜蓉、胡椒粉、辣椒粉同芝麻。只係落左一茶匙胡椒粉，個湯已經好香胡椒味。牛肉好滑好嫩，好有牛味，好好食！個麵好煙韌，亦都好好食！本身睇落以為會唔夠飽，點知最後食到攬住個肚。