喜來稀肉 (登龍街)

營業中

休息中

喜來稀肉係香港開左咁耐，今日見唔係好多人排隊，終於有機會試下。餐廳位於2樓，裝修同傳統韓國烤肉店一樣，而且空間感十足，坐得幾舒服！前菜有3款，有泡菜、辣醬沙律、醃蘿蔔。我同朋友都認為泡菜最好食，辣味十足，好正宗！另外仲有芝士、粟米，可以放係爐邊慢慢熱熔！由於我哋想試下其他熟食，所以散叫，見menu上有2款推介既牛肉，一於試下！牛護心肉 $150牛肉厚身，油脂分布平均，食落好有咬口，但一啲都唔韌，好有口感，用黎包生菜再加埋泡菜食好正！喜來烤肉 $138另一款推介既牛，牛肉卷到好似一朵玫瑰花咁，好靚！牛肉切到好薄，係爐上輕輕一燒就食得，而且牛肉用左韓式醬油調味，甜甜地，可以唔洗再點醬汁食都好夠味！石鍋拌飯 $85飯入面有肉片、紅蘿蔔、芽菜、波菜，再加埋甜辣醬撈埋一齊食，熱辣辣好好味！不過鍾意食飯焦既我覺得多啲飯焦就更加好食。水冷麵 $85水冷麵係我幾鍾意食既其中一款韓國菜，麵浸係碎冰入面，再加埋酸酸甜甜既湯底，好醒胃！而且依度既醋係自己加，可以按個人既喜好調味。