伽倻韓國餐廳 (已結業)

上星期五約左朋友去尖沙咀，係海港城唔知食咩好，行過見到呢間韓國餐廳好似唔錯，就入去試下啦~~ 間餐廳有韓燒又有韓國主菜，好多選擇。。但我有選擇困難症架。。所以我地決定叫SET，淨係二人SET已經有三個，我地想飲湯所以揀左SET B~~ 個餐有生菜、沙律、泡菜、炒牛肉粉絲、特級肉眼扒、特級牛肋骨、高麗人蔘雞湯、鮮果盆同雪糕~~ 除左餐牌所講嘅食物，仲有好多配菜，豆芽菜、菠菜、薯仔、豆腐，真係未食就成枱都係餸~~配菜大多數都好食嘅~~ 講下主菜先，特級牛肋骨有2大塊，職員係上菜後即場剪開細細塊~~至於肉眼扒呢就一早切好細細件，但都係一整塊咁上，證明無偷工減料~~講真2款都好味，尤其是牛肋骨，可能因為有醬汁所以燒完特別入味！！另外，每人都有三款調味品：醬油、海鹽、辣醬(唔知真名)，我自己就特別鍾意海鹽，因為佢唔會好鹹，仲有黑椒同芝麻，特別香~~ 至於人蔘雞湯係一鍋上嘅，侍應會幫我地分番2份，好貼心！雞肉份量都幾多，而且啖啖肉，煲完湯都唔會太老，唯一不足就係我完全飲唔到人蔘味，亦無見到人蔘嘅蹤影，似清雞湯多D，不過清雞湯都略嫌淡味左D。 至於牛肉粉絲就係一般水平，無特別深刻印象。而生果盆就名過