伽倻韓國餐廳 (已結業)

又去海運嗰頭產檢要搵食，今日想食韓國野，韓國菜之中最鍾意雜錦石頭飯，有菠菜有芽菜有肉有蛋，營養豐富，午巿套餐有湯有甜番薯有kimchi，好夠飽！Overall味道係不錯嘅，正正常常冇失望冇驚喜。不過要彈吓服務（伽倻好似經常畀人彈服務差），午巿開始咗可以冇人喺門口附近，我行到入店中間（差不多去到吧枱位）先有，語言不通唔緊要，我豎起食指👆🏻示意一位，唔知係咪一個人唔知安排我坐邊呢，佢冇即時理我而係同另一位侍應對話，我等咗10秒先叫我坐附近嘅四人枱。感覺怪怪的，上一次同老公黎都係咁，又係要諗一陣先安排到座位...

唔錯嘅韓國菜，講緊嘅係尖沙咀海港城《 伽倻韓國餐廳 》！不過自己多數都係食Lunch，中價位平均每人💯蚊左右，環境闊落，侍應服務又好👍🏻，推介大家食炆牛肋骨同辣牛腩片湯，肋骨炆得又醂又入味，牛腩湯紅卜卜不過唔算好辣好惹味，其實仲食咗水冷麵都唔錯，好多都幾好，不過食唔到咁多 😂😂！

海港城，集飲食、購物、娛樂一身的大商場，今日行完街，便到海運下層看看有什麼好食，見到有一間韓國餐廳，韓癮發作下便攞飛等位。等了二十分鐘，才能安排入座。坐低後，侍應立即送上餐牌，並講左句「食物要等二十分鐘」，心諗又要等多二十分鐘，真係餓死。最後立即點了辣牛腩湯和燴牛腩湯，未上主菜前先有三碟小食，分別為芽菜菠菜、甜蕃薯和泡菜，味道都總算不過不失，至於辣牛腩湯和燴牛腩湯，味道好，令人有感置身韓國的感覺，辣牛腩湯辣度夠，而燴牛腩湯的牛肉很軟腍入味。雖然食物好食，但服務和上菜效率真的需要改善。

#特級雪花肥牛 $498本來都冇諗住叫依個 但係侍應話好推介就叫咗🤭一嚟到内心嘩咗聲😂啲油脂好靚🤤一睇就知好好味🤤燒完再配上佢個芝麻油醬一流😍評分:8.5/10-#烤牛脷 $198牛脷就普普通通 冇乜特別個人認為燒牛脷好考技術😂唔可以太熟 要啱啱好就食如果唔係就會太韌 好似食香口膠咁㗎喇🤣評分:7/10-#烤特級牛肋骨 $268嚟到嘅時候係一大塊長嘅店員會幫你剪到一小塊牛肋骨本身就已經醃咗好入味又淋😍再點埋佢個甜甜地嘅醬汁真係食唔停口呀🤤評分:8/10

服務有很多改善空間，無人招呼，完全係趕客走的感覺，食物大小同相片有很大差異，二人餐有生果盆，價值$108 ，一上台，原來得二粒西瓜&二粒木瓜。好離譜。無下次。食咁多韓國菜，最差係呢度

記得以前黎食都會好滿足，因為味道幾好又夠份量哇…依家少得相差太遠…前菜得返3樣…仲要係一口子……個牛肉湯係好味好濃郁既…不過又係得幾啖食物偏甜連帶點辣既豆腐都係甜牛肋骨好林同入味…不過都係甜…配左咖啡…味道好淡…成個lunch 食唔飽食完呢次…無興趣再黎……

我之前曾經連續兩次，在韓國菜餐廳裡面經歷了兩次，韓國雪奶冰甜品因為個別原因而無法提供，或者一早已經停售而沒有通知，害我吃了兩次悶棍，直到我在旺角的非韓國菜餐廳「YUXXY」，才能吃到韓國雪奶冰。其實我真的很渴望，對吃到韓國雪奶冰甜品的機會，仍然抱有很強烈的期望，只是香港現在剩下，仍能如常提供雪奶冰甜品的韓國菜餐廳，都會驅使我極度渴望再次試食這種韓國甜品美食。有時候不幸遇上有韓國菜餐廳，因為遇上技術問題而無法提供韓國雪奶冰，又或者雪奶冰的味道跟我期望的出現落差，也會令我感到十分難過，想食有正宗牛奶甜味「雪奶冰」也不是易事。我曾經在同一間韓國菜餐廳，經歷兩次感覺都很遺憾的經歷，無法享用到正宗韓國雪奶冰的甜味感覺，第一次是雪奶冰沒有牛奶甜味，第二次則遇上機器故障而製作不到雪奶冰甜品。所以我現在對自己，能否再次食到正宗韓國風格的雪奶冰機會，都已經不再抱有期望，直至我在尖沙咀韓國菜餐廳「伽倻韓國餐廳」，才再次有機會食到韓國雪奶冰甜品。不過，「伽倻韓國餐廳」的雪奶冰類甜品，「雪花冰」實際製成品外形跟味道，還是有點教我始料不及。因為「伽倻韓國餐廳」的「芒果雪花冰」實際製成品，比餐牌圖片的「芒果雪花冰

服務低水準，待應生未訓醒甘，上菜速度慢，圖不符實，食物一般..............................唔會再去

喺尖沙咀返工，中午有時都會去海港城呢間韓國嘢。呢間嘢由韓國人經營，地方寬敞，食物選擇好多！餐牌入面都好多選擇，一般雞牛豬不在話下，豆腐、海鮮、石鍋飯都有，當然韓國嘢普遍都係辣，味道嚟講我覺得唔錯。亦都同一般韓食一樣，有好豐富嘅前菜，尤以個甜薯仔最好食！未上正餐已經令你好開胃。主菜方面，我比較鍾意食牛同豬，不過以價錢計，食牛嚟講一個午餐要$150就相對較貴，但味道係好食嘅，又熱又香餸飯一流，而且份量唔細，好多女同事都食唔晒。早期有Coupon優惠，午餐有8折，加埋一某D餐就$100有找，都算OK，但冇優惠我會嫌貴咗少少。值得一提，呢度伙計較少，當午市坐爆真係做唔切，出餐好慢，呢樣對食午餐嘅打工仔係大忌！

唔知係唔係下午茶時間，服務生的水準真的很一般。還是海運大廈真的太多遊客，員工服務水準而下降呢？員工態度欠缺殷勤，感覺不夠誠懇。食物及價錢也可以，只是服務品質較低。

不嬲好鈡意韓國食物，今日去開海運大廈工作，就自己吃下午茶歎吓……我叫韓式炒粉絲，及配特濃咖啡。其實還有三款流沙冰可選，芒果味，朱古力味咁，但是我要留肚去吃Venchi意大利雪糕，所以選了咖啡！佢地的三小碟前菜，泡莱，菠菜也ok，甜蕃薯真係超美味！碟粉絲熱騰騰……不像其他店冰或微暖！下午茶時間好早完結4:45pm ,特濃咖啡也OK雖然價錢算中高，連加一小費108元

譚仔堆姨姨都會聽明你講咩^^尼到d人係唔知菲律賓定印尼人講廣東話唔正你中英韓文撈埋都同佢溝通唔到架個辣豆腐湯係屋企煮吧啦純粹辣椒粉撈水 撈左全支份量咁囉想受氣就黎俾錢浪費時間啦

服務差，逼人落單時要叫埋野飲．想食完先叫飲野都唔得。全部職員都黑面無笑容．以後唔會再來，等佢執笠。一入去問都唔問就俾張bar枱人地坐，儍的嗎。我話要坐枱，唔坐bar枱，跟住佢好似嚇我咁話坐枱可能要share，我話ok．有幾張枱可以坐都放我上bar枱．

好耐無試過閒日放假拍拖，午餐時間到達海港城，開始出現要排隊的人龍，男朋友帶我到伽倻食我愛的韓國菜，好彩的是不用排隊。午餐有二十幾個選擇，對於有選擇困難的我而言，真係樣樣都想食！本身自己好鐘意去韓國，又好鐘意食韓國野，但香港其實好少食到好食的韓國菜。原本打算叫燒肉套餐，但第一餐唔想食咁油，所以揀左湯飯餐。一落左單就立即上左前菜，有甜薯，這款前菜在香港並唔常見，但我好鐘意，不過得兩舊唔夠喉。叫左兩個Lunch SET, 分別係豆腐什錦煲同埋牛尾湯。我先講牛尾湯，真係麻麻地，個湯唔似平時韓國牛肉湯，唔鮮甜，而且重好羶，所以食淨左好多！豆腐什錦煲就正常好多，豆腐唔老夠滑無散開，而且唔會好辣，味道比較重麵豉味，呢個湯好正，仲食哂一碗飯！餐飲叫左凍咖啡，無諗過呢到的凍咖啡係超出我預期的好飲，咖啡味夠濃，奶份量適中，值得一讚！！

一入門服務生既態度已經相當趕客，下單後三十分鐘居然叫另一操英語服務生來告知我地全單被漏，當事服務生一句對唔住都無。到食物到的時候先係重點，嚴重圖文不乎。我當跌錢，但一定blacklist. And for those wondering who are the waitress with horrible attitude I can only say she is an Cantonese speaking middle age lady with mainland accent. I left the rest of you all potential customers to consider if you still want to visit this restaurant.