影片
更多
2021-07-31
77 瀏覽
星期日喺尖沙咀行完街原本想食韓國嘢，但行下行下又覺得太熱，所以最終轉戰日本菜🇯🇵。估唔到韓國街入面有間幾養眼嘅日本餐廳，「晴空日本料理」門面好光猛，再加上店員見我哋喺門口睇餐牌之際，就主動出嚟介紹。餐廳環境幾舒服，簡簡單單嘅裝修，光線充足，有高枱亦有普通枱，而且仲見到「富士山」添🗻。本身有諗過食Omakase，但第一次嚟都係先單點試吓質素如何😛。燒三文魚沙律($80)，🥗沙律同三文魚刺身成日食，但燒三文魚就比較少見。三文魚連魚皮，肉身偏薄，燒起上嚟好脆。我本身唔食魚皮，但都建議一定要食埋佢，先食得到份魚油香。炸豆腐魚餅($50)，魚餅個樣看似普通，不過內有乾坤。佢唔似一般魚餅(即係魚蛋)咁彈牙🍢，反而入面真係加咗豆腐，所以口感特別得意。鮪魚腹筋($80)，🐟拖羅筋細細粒，邊皮位經煎香，魚肉帶點筋帶點肥，幾有咬口。最為突出嘅係個醬汁，有蔥粒有洋蔥粒，鹹香味濃，惹味。汁煮獅魚($128)，嗯…，朋友指定要食…，原來係獅魚鮫🙈，好多骨要噒，唔係好啱我。不過個汁同樣幾好味，所以我食咗少少魚肉，原來呢個部位嘅肉都幾滑。章紅魚薄切($130)，章紅魚又名間八，魚片每塊厚薄均勻，肉質細嫩，味道鮮甜，
星期日喺尖沙咀行完街原本想食韓國嘢，但行下行下又覺得太熱，所以最終轉戰日本菜🇯🇵。估唔到韓國街入面有間幾養眼嘅日本餐廳，「晴空日本料理」門面好光猛，再加上店員見我哋喺門口睇餐牌之際，就主動出嚟介紹。
餐廳環境幾舒服，簡簡單單嘅裝修，光線充足，有高枱亦有普通枱，而且仲見到「富士山」添🗻。本身有諗過食Omakase，但第一次嚟都係先單點試吓質素如何😛。
燒三文魚沙律
$80
1 瀏覽
0 讚好
0 留言
炸豆腐魚餅($50)，魚餅個樣看似普通，不過內有乾坤。佢唔似一般魚餅(即係魚蛋)咁彈牙🍢，反而入面真係加咗豆腐，所以口感特別得意。
鮪魚腹筋
$80
4 瀏覽
0 讚好
0 留言
汁煮獅魚($128)，嗯…，朋友指定要食…，原來係獅魚鮫🙈，好多骨要噒，唔係好啱我。不過個汁同樣幾好味，所以我食咗少少魚肉，原來呢個部位嘅肉都幾滑。
章紅魚薄切
$130
7 瀏覽
0 讚好
0 留言
海膽蟹肉炒飯
$150
6 瀏覽
0 讚好
0 留言
櫻花蝦香蔥吞拿魚腩手卷($85)，一場嚟度當然要試埋壽司類嘅出品🍣。手卷影完相就要即刻食喇，如果唔係紫菜好快就淋。我認為手卷略為的骰，不過幸好每個部份都唔錯，魚蓉軟綿，櫻花蝦更能發揮畫龍點睛嘅作用🦐，好香。
總括嚟講，晴空日本料理嘅出品幾有質素，同居酒屋唔同，反而更接近廚師發辦嘅級數👨🏻🍳。呢度嘅Omakase賣緊$800或$1,000，算係業界中較相宜嘅選擇😉。呢日有幸同老闆娘傾偈，感受到佢樣樣嘢親力親為，值得支持啊💪！
張貼
