貊炙

營業中

休息中

冬天一定要食燒肉，今晚揀咗公司附近一間韓國燒烤餐廳，現代摩登感設計，主調酒紅色，非常適合朋友聚會，全程店員專人幫手燒烤，服務好好。燒烤：和牛盛合：脂肪分佈完美均勻，入口即化，伴隨著濃郁嘅肉香。牛舌：外層燒至略帶焦香，內裡仍保持彈性和嫩度。五花肉：肥瘦相間，充滿油脂香，建議夾住生菜食。挑骨雞翼：啖啖肉👍🏻雞翼肉質嫩滑多汁。水果醬油雞腿肉：雞腿肉柔軟多汁，加上獨特醃製風味，令人驚喜。鰻魚：鰻魚烤至外皮微微焦脆，肉質緊實，油脂適中，咬落口一絲脆感。海鮮煎餅表面煎至金黃酥脆，海鮮餡料豐富，充滿鮮美滋味。傳統石頭鍋飯：底部有香脆既飯焦，上層軟糯的米飯拌入各式配料，香氣四溢。半半炸雞：一次過試晒兩種味，原味炸雞外皮酥脆不膩，嫩滑多汁，甜辣口味甜味中帶著一絲辣意。蜂蜜雪糕：雪糕細膩綿密，蜂蜜留下淡淡既甜香味。飲品：荔枝梳打：散發著淡雅嘅荔枝香氣，有一絲清甜和微酸的爽快感。西柚乳酸梳打：充滿住西柚嘅香味，酸甜中帶著乳酸嘅爽快感。