影片
更多
2011-07-10
131 瀏覽
正到呢 ﹗要再去再去再去，要經常去 ﹗之前都係去開天文台道既第一店，依間分店新開架 ~ 舖位比第一店細，但較新淨。第一店主打鐵板燒，依度就主打壽司同刺生，仲有間分店就主打日式火鍋 ﹗食物、環境同服務都超滿意，今日既主廚師父，見佢都好年青，健談、友善。食得非常開心 ﹗補祝 Zoe 生日飯 ﹗裝修好靚，寬倘舒服，唔好以為得睇見咁大，裡面仲有幾間 VIP 房架 ﹗大廳半邊做鐵板燒，半邊做壽司吧。最鍾意依類格局，可以面對面同師父有交流，談談食材、烹調、食經、時事、娛樂以至風花說月，談到興起，大家仲會舉杯暢飲，好好 feel。仲可以見到製作過程，食得特別愉快。活蟹仔呀 ﹗好可愛呀 ﹗爬黎爬去。師父仔話係用黎做炸蟹小食，即 order 即落油鑊，但大多食客見到咁可愛都唔捨得叫黎食。佢地會餵青瓜或其他素食比蟹仔，可以活一個月咁耐架。好多好多食材 ﹗壽司、刺生，仲有好多時令又較為罕有既鮮魚，好想試 ﹗太多都未食過架，要黎多幾次先得，但下次又未必有綠遇到。神之河燒酌，朋友未到，叫支酒飲住等。燒酌味辛但香醇，酒精度稍高，幾好飲，慢慢嘆。我愛淨飲，不過可加凍或鮮檸同飲。枝豆，簡單餐前小食，收錢架。枝豆充滿水
裝修好靚，寬倘舒服，唔好以為得睇見咁大，裡面仲有幾間 VIP 房架 ﹗大廳半邊做鐵板燒，半邊做壽司吧。最鍾意依類格局，可以面對面同師父有交流，談談食材、烹調、食經、時事、娛樂以至風花說月，談到興起，大家仲會舉杯暢飲，好好 feel。仲可以見到製作過程，食得特別愉快。
活蟹仔呀 ﹗好可愛呀 ﹗爬黎爬去。師父仔話係用黎做炸蟹小食，即 order 即落油鑊，但大多食客見到咁可愛都唔捨得叫黎食。佢地會餵青瓜或其他素食比蟹仔，可以活一個月咁耐架。好多好多食材 ﹗壽司、刺生，仲有好多時令又較為罕有既鮮魚，好想試 ﹗太多都未食過架，要黎多幾次先得，但下次又未必有綠遇到。
神之河燒酌，朋友未到，叫支酒飲住等。燒酌味辛但香醇，酒精度稍高，幾好飲，慢慢嘆。我愛淨飲，不過可加凍或鮮檸同飲。
枝豆，簡單餐前小食，收錢架。枝豆充滿水份又爽脆，味帶淡淡咸味，助酒不錯。
富士蘋果鱈魚籽沙律，居然有巨形日本空運到港既溫室富士蘋果呀 ﹗真係非常清甜，越食越想食，跟新鮮蔬菜混和連薄薄沙律醬，全個配搭都超正，加上卜卜脆既鱈魚籽，加添多一份層次感。
松刺生盤，最高級。和牛、牡丹蝦、活赤貝、油甘魚、章紅魚、鵰魚 ﹗賣相藝術品一般，味道好食到呢：鮮、甜、嫰 ﹗太美味，救命，連加一多謝 HKD625，正到無得彈，大埔無可能食到如此質數。和牛雪花豐富又平均，入口牛味濃，質感幼滑。活亦貝鮮爽到脆口，貝類甜味突出。牡丹蝦口感黏、膠、爽，係一個極度新鮮既證明，味道甜到不能形容。充滿蝦膏既蝦頭，係我至愛。魚油勁豐富既油甘魚，我必食既魚，香甜至極。任款都好好味又肥美，未食晒已諗緊下一款叫咩刺生好喇 ﹗
油甘魚，剛才食完超肥美既油甘魚，得兩片厚切真係唔夠喉 ﹗要即刻叫多一客先頂到癮 ﹗太美味喇，好甜啊 ﹗
極上吞拿魚腩壽司，肥肥肥美美美，甜甜甜、魚油勁勁勁，食完香味完完全滲入口腔同牙縫每個角落，無得彈 ﹗一放入口已開始溶掉，腦裡一片空白，只剩下魚腩既魚油香味同滑不溜口既質感 ﹗
海膽壽司，海膽同壽司飯既份量差不多一比一，鮮味無比，馬屎海膽高級貨，頂 ﹗好想食多幾舊呀 ﹗鮮鮮鮮爽雜淡淡海水味，太正喇，好幸福啊。
塋光墨魚仔，師父哥哥免費請我地食，唔知係咪見到 Zoe 妹妹靚女所以獻吓殷勤呢？哈哈。Size 屬小朋友 size，係另一間日本料理食過，但 size 大 40% 啦。墨魚仔好爽口，天然海水咸味，跟留係墨魚身內既鮮甜墨魚汁混和，好食到不得了 ﹗而且墨魚肉起爽，食唔停口。
炸紫菜魚仔塊，依個都係大師父請既小食。口感好脆，仿如餅乾，味道有點寡同沉實，如果加海鹽調味可提升吸引力，今次麻麻。
太刀，係時候試吓啲較特別既鮮魚喇，師父推介火炙太刀，用火槍炙過，有淡淡燒烤味，增加不少嗅覺既吸引力。魚肉口感異常地彈牙，實淨，好得意，本身太刀味淡，但經火炙過，部份水量蒸發，令魚肉鮮味濃縮左，再加上燒烤香味，好好食。
雀鵰，較為罕有既刺生，唔係間間有得食，一條魚只切到四片，口感彈牙有趙口而且味鮮帶甜，魚細但味道鮮得緊要，good good good ﹗
張貼
