影片
更多
2008-09-02
34 瀏覽
尋日一個人去咗試呢間lunch buffet，真係比我預期中好好多。首先價錢已經好抵，98加一 (某些visa仲有85折)，有我最愛的三文魚同cheese cake，仲有燒牛肉，質素同服務一d都唔差，絕唔會將貨就價。以下幾樣係我最欣賞的。三文魚剌身，新鮮肥美，不過1:00前可能人少d，所以refill 得慢d，但之後就源源不絕，有時未夾完已經有盤新的拎出黎，效率奇高。cheese cake我鐘意佢切開細細件，逐件放細碟上，一拎就得，唔會俾人夾到核核突突，又唔駛太大舊，咁可以試多幾款。沙律都ok，雖然無我鐘意的薯仔沙律，但青瓜、西芹菜都好新鮮，鐘意的，附近仲有不同的醬自己撈, (但我覺得唔加都已經好好味)。比較值得一提係，我鐘意佢d法包仔放響熱盤架入面，脆脆地又熱呼呼，真係明知食包唔抵都要食2個。其他有d特別熱盤，如豬腳薑、印度烤雞同炆羊腩都好好味。甜品仲有桑寄生旦茶、南瓜西米露(奶味十足，好滑)，仲有雪糕，車仔麵、火腿牛角包、粥、橙汁、茶水任飲，真係值回票價。至於service都好好，不停有人收碟(當然食完先收，唔會趕住咁)，又好醒咁不停酌水，最緊要係埋單時，佢地會主動問你有無帶有折的
首先價錢已經好抵，98加一 (某些visa仲有85折)，有我最愛的三文魚同cheese cake，仲有燒牛肉，質素同服務一d都唔差，絕唔會將貨就價。以下幾樣係我最欣賞的。
三文魚剌身，新鮮肥美，不過1:00前可能人少d，所以refill 得慢d，但之後就源源不絕，有時未夾完已經有盤新的拎出黎，效率奇高。
cheese cake我鐘意佢切開細細件，逐件放細碟上，一拎就得，唔會俾人夾到核核突突，又唔駛太大舊，咁可以試多幾款。
沙律都ok，雖然無我鐘意的薯仔沙律，但青瓜、西芹菜都好新鮮，鐘意的，附近仲有不同的醬自己撈, (但我覺得唔加都已經好好味)。
比較值得一提係，我鐘意佢d法包仔放響熱盤架入面，脆脆地又熱呼呼，真係明知食包唔抵都要食2個。
其他有d特別熱盤，如豬腳薑、印度烤雞同炆羊腩都好好味。甜品仲有桑寄生旦茶、南瓜西米露(奶味十足，好滑)，仲有雪糕，車仔麵、火腿牛角包、粥、橙汁、茶水任飲，真係值回票價。
至於service都好好，不停有人收碟(當然食完先收，唔會趕住咁)，又好醒咁不停酌水，最緊要係埋單時，佢地會主動問你有無帶有折的visa，絕對唔會唔出聲提你，真係食得安心。
張貼