點鍋

營業中

休息中

聽講呢間打邊爐放題好多人光顧，朋友有次去咗食都話好好味，叫我試吓，啱啱好呢個星期天氣好凍好凍，所以就同老公嚟咗打邊爐，雖然book咗位，但係仍然需要等一陣，不過唔算太耐，相信佢哋因為太多人嘅關係，終於入得，環境位置都坐得舒服，唔會太迫，設計亦都好好，一坐低之後店員就俾咗個平板電腦我哋選擇湯底同埋食物，實在太多野選擇，我哋揀咗個四川麻辣湯底喎，當然佢哋仲有其他湯底選擇，亦都可以選擇鴛鴦鍋，但因為每次我哋揀完鴛鴦鍋之後一邊辣一邊唔辣，我哋多數都係食辣嗰邊，唔辣嗰邊就完全冇人掂，所以我哋今次一窩過都係麻辣湯底，但係辣到冇得揀？🤔唔知係因為店員太忙嘅關係冇問我定係真係冇得揀辣到，開頭食都唔算好辣，但食下食下就好辣，老公都食到出晒汗去到最尾都頂唔順😂😂😂😂尤其係食中咗啲蔬菜，豆卜之類比較索湯嘅食材之後，不過湯底味道我自己覺得幾好，麻辣味道夠重，令到所有餸都唔需要再點豉油辣椒嘅調味料，肥牛一開始係會送一碟，但如果之後都想食嘅話就要俾錢追加，所以佢哋都算係叫做半放題形式，有啲菜式或小食都需要俾錢order，但係對於佢地食材咁新鮮同埋味道咁好嘅話，我覺得都係值得，都算抵，誠意推薦佢哋個炸魚皮，真係超級