夢 (已結業)

好開心~ 早幾日食咗一頓好靚好精緻嘅料理！位置中環嘅夢 環境好有氣氛食物擺盤如畫一般夢幻嚟哩度食飯氹自己氹愛人都好適合！🔸先付是分子料理面頭係士多啤梨泡沫，香味濃郁、微甜配沙律菜、靜岡番茄、日本黑豆，非常清新！🔸八寸 主題會每三個月轉一次 今次嘅係「春」在主廚親自畫嘅畫上放了精緻又時令嘅食物好靚，好有意境！🌸四道菜有：✧ 空豆－即蠶豆，中間夾住清新柚子。✧ 豆子包白蘆筍－豆子包口感似腐皮，味道清爽。✧ 芝麻豆腐－濃郁芝麻香，口感綿密。✧ 蝦芋丸－好香脆，蝦肉彈牙、芋蓉軟綿，加埋一齊非常夾！🔸膾最頂層開始係日本新鮮蓮芋 ➞ 生紫菜 ➞ 燒吞拿魚面珠墩 ➞ 日本淮山絲 ➞ 日本生蛋黃一道菜有幾重享受，由味道清新爽口開始，燒吞拿魚面珠墩，外層燒過有油香，中間非常嫩滑！配濃濃嘅日本蛋黃，好好味！🔸刺身三品✧ 平目魚－白身魚，肉質鮮嫩，魚味淡雅。✧ 帆立貝－新鮮香甜，配竹炭鹽的淡淡清香嚟提鮮。✧ 鯖魚－油脂豐潤，肉質嫩滑，帶來滿口脂香。🔸椀物烘香咗嘅鱈魚干上係魷魚刺身，味道濃郁，口感豐富。底下係烏賊真丈，用墨魚咀同肉打成，非常彈牙。蝦湯清澈香甜，加少少以200度油溫炸過嘅稻穗，多重口感。🔸燒物金