first crack coffee by Summer Ice

營業中

休息中

經過繁忙嘅一周，周未總會想搵間寧靜嘅cafe坐下，渡過一個悠閒嘅下午。今次同朋友就去左呢間位於上環soho區嘅cafe, 環境清靜，員工態度友善，咖啡同甜品味道都唔錯，值得推介。✨Hand drip CoffeeCafe提供十多款嘅hand drip供客人選擇，全部都係由咖啡師自己混合炒制而成，客人只需講番自己嘅偏好，店員就會推薦番相應嘅咖啡。我自己就比都偏好較甜身同果味重嘅咖啡，店員就向我推介左來自衣索比亞嘅豆，飲落帶有莓香味，後調則帶黑茶香，成個感覺好balance. ✨Apple Tea Vodka Tiramisu ($90)超級推介呢款Tiramisu! Cafe嘅Tiramisu 特色就係佢地酒味超濃，但呢款Apple Tea Tiramisu 就略為中和左濃列嘅酒味，味道更易入口。係cafe坐左一個下午，都感覺到店員真係幾有heart, 對咖啡嘅介紹亦非常詳盡，整體體驗非常唔錯。