澳葡牛奶餐室

營業中

休息中

時間不足下，喺深水埗見到呢一間餐廳，第一次食我會選擇試吓佢個咖喱牛腩，出面寫咗午餐係送葡撻或者糖水，但係冇寫明凍熱飲使唔使加錢，入到去入面餐牌先寫熱飲加$6凍飲加$8。諗住都入咗嚟啦，所以照樣試吓佢嘅咖喱好唔好食，點知嚟到見到個汁係勁稀，牛腩只係一啲清湯腩放喺啲咖喱汁上面。負責落單嗰個短頭髮阿姐，對所有客都係勁唔耐煩嘅態度。到我已經食緊個餐，兼嚟咗杯嘢飲嘅時候，個阿姐又拎住一杯熱飲想拎俾我，原來又係未搞清楚杯嘢飲係邊一台。完全係不愉快嘅體驗，唔會再嚟。