澳葡牛奶餐室

澳門豬扒包（$39）豬扒即煎，無骨，頗大塊，肉質正常，唔算軟腍亦唔太嚡，醃味普普通通，但太油油膩了，個豬仔包索哂啲油。豬仔包有稍稍烘過，輕微脆身。煎蛋正常，煎到脆邊。無骨豬腳米線（$39）豬腳大約有四五件，全部都無骨，滷水味的確唔錯，唔係死鹹，但豬腳煮得太腍了，肉同皮都軟pat pat，完全沒有口感。白蘿蔔大約有五六舊，無渣，但唔甜亦無咩味。最失敗係米線，淥到過哂火，又腍又碎，因為我睇住員工煮，佢放完啲米線落水之後，突然有幾單外賣，所以完全忘記咗，足足過咗十分鐘以上先撈返起啲米線。下午茶餐有配熱飲，但咖啡同奶茶都完全唔得，完全是沒有味道的，如果匿埋眼飲的話，仲以為飲緊清水。總括嚟講，除咗價錢稍為相宜之外，食物質素就比較遜色。…查看更多

上週五去餐廳食飯, 叫了一個午餐, 發現食物跟相片完全不一樣及非常難食, 而環境差及不衛生, 地上滿是垃圾沒人清潔, 員工態度差, 不理客人下訂單及意見, 完全后悔選擇了這餐廳... 請不要去食. …查看更多

諗住隨便入一間食啲野，點知中哂伏！首先，落單個呀姐會要求你係位大叫到佢收銀位到，全場都聽到人叫，勁似街市咁。去食既記得練好中氣先好去。第二，叫都算，呀姐又要聽唔到聽唔哂，講左至少三次都聽漏單🙄 同佢講仲要扮聽唔到，黑你面，勁無禮貌！第三，叫乜無乜，仲問返你”點解會咁叫”，答返佢你餐牌咁寫，佢就會話”無貨返咪無，就係咁簡單”。佢既禮貌真係天下第一！第四，野食黎到係”嘭”一聲，大大力放上枱。份量仲要係勁細份，吉列魚柳係會連埋蛋殼痴住一齊上比你。魚柳係雪藏就一定架啦，但好勁雪藏味就真係搞唔掂🤮🤮完全食唔落。最後，又係個啲，唔收毫子但會找毫子比人既茶餐廳🙄🙄總結，你有心理準備去個無禮貌既街市食野先好去。仲有，佢連枱都唔會幫你抹下。如果有0粒星，一定係比0。…查看更多

今日去深水埗買布，有小小肚餓行經呢間見到豬腳飯張相幾靚，🤔其實入去前都有定心理準備...😠點知係更離普！叫左豬腳併腩肉($58唔包野飲）豬腳塊皮同皮下脂肪好厚，😠腩肉嘅瘦肉瘦到咬唔入，😠成碟野得個咸字，D飯又散收收....😖好似俾人夾硬喺銀包搶左幾十蚊！😬為減成本你地已經買最下等嘅凍肉但連調味都費事？ 定你地係冇諗過有回頭客？…查看更多

1. 隔離枱投訴食物入面有隻大曱，係大隻，嬲到佢地即走2. 食物質素麻麻，酸辣米線既米線硬，蕃茄米線湯底冇味，芽菜難食，蔥油豬扒雞翼硬3. 另一張枱話葡汁稀如水，飯亦有問題4. 假期peak hour，要烏冬冇烏冬，要意粉冇意粉5. 豈碼有兩枱個餐都爭緊d野6. 出餐有點慢，但現場未滿座…查看更多