Nissa la Bella (差館上街)

營業中

休息中

星期日book佐位同男朋友過來食嘅，天氣好好，行係上環周邊見到好多特色餐廳。來到差館上街個斜坡上去就見到呢間法餐，係好有格調嘅裝修，入邊墻擺滿佐酒樽。行入餐廳就有個外國靚仔招呼我地，帶我地入座之後同我地介紹menu，menu有中英文版。我地來食中午飯，基本就係個人頭358嘅set，有加一。首先來個一人一隻蠔，好新鮮，已經提前刨佐方便我地食。前菜：三份前菜兩個人share，檸檬汁魚生、蒜蓉牛肉焗蝸牛、鵝肝醬配脆面包。主菜：我揀佐魚柳，男朋友揀佐牛扒薯條（一定要點，牛扒火候把握得好好，薯條係新鮮鮮炸嘅）。甜品：燕麥味雪糕球、朱古力慕絲、檸檬撻，仲會配咖啡或茶。食物整體素質真係無得輸，因為無論菜式、食材質素、口感味道都有好新鮮有驚喜 ，兼且無一樣覺得中伏。食完之後心情靚靚去行山，真係完美weekend。