影片
更多
2014-07-20
789 瀏覽
農曆大年初二,屋企唔洗去拜年,諗住搵地方去行下,記得啟德郵輪碼頭已經開左一段時間,觀塘海濱花園又想去行下,所以當日主題係 "起動九龍東" ,搭車出門口之前,留意到網上有報導牛頭角有間茶餐廳,新年期間開工之餘,價錢照舊,絕無加價,見到部份街坊留言話佢地o的食物唔錯,於是決定黎呢間茶餐廳午餐 原來祥榮茶冰廳已經有40年歷史,門口都有個舊冰室會見到o既麵包櫃,不過當日農曆新年關係,冇麵包及蛋糕賣,入去覺得有種80年代冰室o既感覺,絕對唔似而家旺角或者銅鑼灣好多扮懷舊裝修o既茶餐廳/冰室 黎到已經係下午茶時間,間舖都幾大間,坐低就向侍應叫左個常餐,佢地o既常餐唔似一般茶餐廳配搭,唔係炒蛋及多士,係蒜蓉汁雞尾腸配薯餅 ,另外呢個餐仲包括芝士焗免治牛肉意粉及餐茶一杯,我叫左熱咖啡見到牆上貼左多張電影劇照,原來以前唔少電視劇集及港產片都o係呢間冰室取景 ,頭上有舊式風扇,而家o係香港好少地方見到落單後大約5分鐘,蒜蓉汁雞尾腸配薯餅同埋熱咖啡黎到,再等多幾分鐘,芝士焗免治牛肉意粉亦都焗好,侍應送黎o既時候真係有好香o既芝士味 呢個時候留意到之前侍應俾o個把餐刀黏住一點紙屑 ,或者洗得唔乾
原來祥榮茶冰廳已經有40年歷史,門口都有個舊冰室會見到o既麵包櫃,不過當日農曆新年關係,冇麵包及蛋糕賣,入去覺得有種80年代冰室o既感覺,絕對唔似而家旺角或者銅鑼灣好多扮懷舊裝修o既茶餐廳/冰室
黎到已經係下午茶時間,間舖都幾大間,坐低就向侍應叫左個常餐,佢地o既常餐唔似一般茶餐廳配搭,唔係炒蛋及多士,係蒜蓉汁雞尾腸配薯餅 ,另外呢個餐仲包括芝士焗免治牛肉意粉及餐茶一杯,我叫左熱咖啡
見到牆上貼左多張電影劇照,原來以前唔少電視劇集及港產片都o係呢間冰室取景 ,頭上有舊式風扇,而家o係香港好少地方見到落單後大約5分鐘,蒜蓉汁雞尾腸配薯餅同埋熱咖啡黎到,再等多幾分鐘,芝士焗免治牛肉意粉亦都焗好,侍應送黎o既時候真係有好香o既芝士味
呢個時候留意到之前侍應俾o個把餐刀黏住一點紙屑 ,或者洗得唔乾淨,只好叫侍應換過另一把餐刀 雞尾腸有兩條,一塊薯餅,可以點o的蒜蓉汁黎食
熱咖啡都係一般茶餐廳味道,冇乜特別
芝士焗免治牛肉意粉賣相雖然一般,仲焗到有o的燶添 ,不過落左芝士焗真係好香 ,碟意粉幾大兜,肉醬啖啖肉,都算有幾多汁用黎撈意粉
呢份常餐都算抵食,$36可以食到味道唔錯o既芝士焗免治牛肉意粉 俾錢時去櫃位問下負責收錢o既疑似老闆娘,原來佢唔知道網上有報導呢間冰室新年期間價錢照舊冇加價,佢話間中都會有人借黎拍戲,另外,我問過佢地原來以前同跑馬地一間舊式茶餐廳有關係,不過跑馬地o個間而家轉左老闆
雖然門口貼左張紙話新年唔加價,不過俾我發現枱上有兩張新舊餐牌 ,差不多每款食物及飲品價錢都相差$1,即係新一年加左價,不過就唔會o係農曆新年假期加收額外費用,無論如何,對各位食客都係一件好事
香港唔少餐廳食肆都會趁農曆新年假期加收額外費用,令人有少少搶錢感覺 ,呢間冰室為香港人服務,唔係做遊客生意,雖然少左華麗o既裝潢,不過多左份久違o既人情味
若果大家鍾意舊懷感覺,日後去開牛頭角,不妨黎呢間祥榮茶冰廳試下食完野就繼續當日行程,先去啟德郵輪碼頭,之後去觀塘海濱花園,兩個地方都好適合黎影相
啟德郵輪碼頭係全港最大空中花園,可以睇盡維多利亞港兩岸,內有中央草坪,水景花園及噴泉廣場
至於觀塘海濱花園有海濱長廊,除左睇到啟德郵輪碼頭夜景,每晚廣場都有音樂,燈光及水霧效果匯演
張貼
