祥榮茶冰廳

早前響網上睇到一篇關於懷舊茶餐廳嘅文章文章提到而家有幾十年歷史嘅茶餐廳真係買少見少呢一間都可算係一間極懷舊嘅餐廳聽講佢哋一九六幾年已經開業（哈哈哈，年紀仲大過我）一入到店內就俾佢貼滿牆上鋪天蓋地嘅餐牌吸引呢間舖頭真係好多選擇價錢又唔貴啲店員似係啲老夥計，個個都同啲客好熟真係一間好街坊嘅茶餐廳今日食晏嘅時候入邊有九成都係男士佢哋都好熟絡咁喺度傾偈一入店，店員就拎咗水同餐巾之後就叫我慢慢睇吓食咩啦對住一大疊餐牌，我都心大心細最後揀咗豬扒蛋包飯加$3就可以配埋餐湯同紅豆冰抵食👍🏻舖頭仲有自家製嘅新鮮麵包同埋蛋糕臨走嘅時候麵包出爐，好多人喺門口等着買我諗佢哋都係熟客知道晒麵包出爐嘅時間…查看更多

祥榮茶冰廳呢一間茶記創業於1962年，已經有60多年嘅歷史，餐廳格局基本都保持原貌，嗰啲木卡位、紙皮石地板、黐滿菜單嘅牆壁，好有feel，係一種活生生嘅香港日常味道晚餐相當抵食，七十幾蚊有鐵板餐，包餐飲、餐湯、牛油多士，加個紅豆冰都係三蚊咋！當晚食鐘板雞扒配蒜蓉汁，配料有薯條、西蘭花、蕃茄，七十幾蚊嘅鐵板有三大塊雞扒，份量超大，雞扒冇雪味，味道正常，收貨👍🏻羅宋湯要特別拎出嚟講！夠酸，多料，唔係落紅油嗰種辣，小朋友都啱食🥣呢度仲有好多焗飯、小菜，驚喜嘅係有一頁素菜menu，素食友善喺舊式茶記嚟講都幾少見，試咗一個鮮茄雜菜煲，味道同材料豐富，一般茶記正常發揮🍅🥬夥記哥哥推薦我哋食個菠蘿油，仲教我哋一個傳統食法，就係一嘢拍扁佢😂牛油滲滿菠蘿包入面，同平時咬到一舊牛油嘅菠蘿油食法的確唔一樣👍🏻客人望落附近都係街坊，餐盒入面冇餐刀，見我搵嚟搵去，坐附近嘅食客伯伯好熱心拎把餐刀畀我，無論係夥記定係客人，都充滿咗街坊鄰里先有嘅人情味🏡…查看更多

雖然間中都有嚟食呢度嘅晚飯小菜，因為真係好有鑊氣同好出色，特別係牛柳粒同金沙雞翼。但今次食素菜反而令我更想介紹呢一個港式茶餐廳，佢真係好有人情味，味道都係好好食。作為突然想為地球出一分力嘅普通上班族，諗住買個素食嘅金銀蛋時菜配飯，收銀姐姐一聽到係素食就話會幫我走肉碎，特別製作。嗯嗯，佢唔係剩係走肉碎咁簡單，係將啲菇嘅份量加多左好多比我。老闆仲話佢地嘅羅宋湯係蔬菜湯，問我要唔要整返碗，雖然想試但係胃口好細，都係唔浪費了。個白菜仔好甜好淋，金銀蛋嘅量都好足，夠曬送飯，最緊要係拎到返屋企都係熱辣辣，一定係即時製作的，喺屋企食完全無違和感。呢個唔係廣告，多謝你哋比我食到好食又有溫度嘅小晚飯。…查看更多

用傳統屋邨舊式茶餐廳來形容呢間茶記絕對非常適合，舊式卡位加麵包西餅玻璃櫃再加埋紙皮石地下。下午茶餐時段2:30開始早5分鐘已經俾你叫我唔會阿吱阿咗真係難得。喺呢啲地方梗係要食返啲舊式嘢，於是就叫咗乾炒牛河加杯凍奶茶少甜少冰。老實講，味道就一般，不過有一種懷舊風情令到成個氣氛唔同晒，有機會會來試埋佢個西多士，希望仲係用舊式太古糖漿啦。…查看更多

牛頭角最伏茶餐廳1. 服務態度差, 似住自己老茶記掛我估2. 環境衛生個地下同檯黐立立, 餐具又有污漬, 啲共同加嘅調味料污糟邋遢, 仲要比杯唔熱嘅水洗餐具? 叫個阿姐抹下檯仲要比面色仲要hea抹兩下粗粗魯魯咗將檯面垃圾掃落人度。 成個餐廳地板牆上面都起哂漬咁3. 只收現金? 而家仲有啲起市區但咁落後嘅收錢方法? 野食：今日叫咗個焗飯, 呢啲基本上好難會難食嘅頹飯, 居然可以整到成個餐冇味, 「利申：平時食開清淡而今日食前只飲過水，第一餐」，居然都食唔出有咩味，垃圾。…查看更多

舊式茶餐廳☕️咁先係香港嘅味道咖嘛首先一定要坐木板卡位硬板座位 偏窄坐嘅 係回憶🙈🐂黑椒汁牛扒焗飯- 即叫即焗- 焗飯唔似煲仔飯 唔會有飯焦（正好我唔鍾意食飯焦）但係就有燶邊 邊邊位突出黎嘅飯粒 會脆卜卜🤤- 飯係炒底 有蛋香- 牛扒 雖然唔係入口即化嘅日本和牛 但係唔硬 有𡁻頭 絕對唔係落鬆肉粉落到軟爛果啲- 有用拉絲芝士焗 芝士味好香又唔會燶$52 配埋例湯同熱飲凍飲+$3都算幾抵食不過呢間只係收現金記得㩒左機先黎食呀…查看更多

地板仲係鋪紙皮石嘅幾十年街坊店。杯奶茶係高水平，麵包用料都幾好，不過唔係用電爐暖住，上台凍冰冰，嘥咗。早餐沙嗲牛肉麵，上枱外貌平凡，但牛肉肉質同埋味道都煮得幾好味。可惜佢用大光明麵，拉低左整體水平。…查看更多

牛頭角呢間冰室歷史悠久，餐廳門口貼咗好多宣傳poster聲稱借咗畀好多套電影做拍攝場地，而餐廳亦自設餅房，每日新鮮製造唔同種類嘅麵包西餅同蛋糕👍今日就試左個港式經典茶記早餐👉沙爹牛通粉配午餐肉火腿菠蘿包，熱齋啡 ($34)呢度既沙爹牛味道偏清淡，冇乜花生香味，反而帶少少辣牛肉較厚身，肉質嫩滑👍午餐肉同火腿個樣似係就咁切完拎出黎煎都無煎過😂 所以食落味道比較plain唔多茶餐廳早餐可以併菠蘿包，佢既菠蘿包屬於迷你size，凍冰冰完全唔脆的😅 但佢既口感完全係同我自己整既一樣！超實淨😱😱 感覺真係每日新鮮製造兼無乜添加👍 我從來無試過係街買菠蘿包係呢個口感，好特別！😯😮齋啡都幾濃，口感偏苦澀唔會太酸～買少見少嘅傳統自設餅房冰室，好多老街坊熟客，充滿香港特色，值得支持👍…查看更多

食咗一個復古茶餐廳嘅復古早餐淨係見到裝修嘅格調或者成個氣氛你都完全明白佢停留咗係40年前 屹立左喺牛頭角咁多年一定有佢嘅原因嘅食咗一個傳統嘅雞蛋糕 無論外型口感質感同埋味道都可以保存處咁多年前嘅一種清淡嘅自然你可以話冇進步但係經典係冇需要進步嘅食過之後令人回想起多年前嘅情懷已經值回票價沙嗲牛肉麵腸仔煎蛋多士凍奶茶呢個絕對係每一個香港人由細到大所識佢嘅經典香港人早餐味道正常情懷最重要坐喺呢一度聽茶客吹水講嘢一套懷緬我們的回憶吧…查看更多

本身諗住簡簡單單食個lunch，以為嗌叉燒滑蛋飯實冇死，點知上咗碟咁嘅飯上嚟。d飯食落有d爛，成碟飯應該先落咗一隻蛋，其他都係用芡汁去扮佢所謂嘅滑蛋。碟飯完全冇味，食完都唔知食咗乜。碗湯係免費嘅，入面有少少紅蘿蔔同合掌瓜，本身以為有d豬肉，原來只係得d豬骨。成碗湯冇咩味，所以冇飲哂就埋啡單環境方面: 唔算太乾淨，座位下面有塊牛仔骨喺到。周不時有烏蠅飛過。冷氣就適中，算係唯一可以讚賞嘅位。結論: 中大伏，冇下次…查看更多

這間懷舊冰室格局的茶餐廳，裝修十年如一日令人懷念。綠色的紙皮石配紅色餐枱和黑色花紋鐵椅，彷彿帶我回到童年。平日的早上客人不多，一個人亦可選擇四人卡位。早餐有不同選擇，價錢也非常大路。今次我選擇了E歐陸早餐。一塊多士開邊，表面塗港了牛油和烤得脆脆牛扒(走醬)和煎蛋正常發揮，茶餐廳加了鬆肉粉是常識吧，最後配上熱齋啡。值得一讚的是這裡的齋啡味濃，但沒有一般其他茶記那樣酸。一個完美的早晨就是這樣簡單而完美的開始…查看更多

最近因為疫情關係好多鋪頭晚上都無開門，行下行下就同屋企人去到呢間讀書年代成日食既茶餐廳，但手指數一數起碼十年八年無幫襯過😂講返今時今日先，裝修比以前靚左好左，但係價錢又唔係特別貴，$66有湯、面包加埋飲品，叫左兩份牛扒餐，大大份嚇左一跳，杯飲品同以前一樣大大杯，一路食既過程中見到有好多人叫外賣👍野食好味道，門口都貼住有口罩出售，雖然價錢唔係特別平，但都叫做有心，所以希望老闆娘可以一直做落去🥰…查看更多

祥榮係我由細食到大既茶餐廳，佢不但平、靚、正，仲可以食到人情味！佢懷舊得黎仲吸引到唔同既拍攝團隊黎親身一覽🎬餐廳最近仲重新裝修過，但都不失佢懷舊既風味！最好味係佢個扒餐，又大件又抵食！…查看更多

禮拜日，我訓到12點45分先至起床。我今日約咗frd frd 游水做運動、打邊爐直落。但係我咩都未執好，又未梳洗好。為咗buy time，我決定叫外賣！好野，今日食我最喜歡嘅祥榮！ 嘩！大大張menu!選擇多到吾知點揀！我揀咗佢嘅午餐餐牌，食咖哩牛肉飯，再配凍檸茶。祥榮午餐送湯，可以揀中湯或者西湯，我飲中湯，因為夠正氣。外賣到咗，口水都流埋。我首先趁熱飲咗中湯，熱呼呼，好正！打開個飯，超多牛肉，牛肉入冧又嫩。仲有我好鍾意食嘅薯仔，再加埋香噴噴嘅咖哩汁，簡直係絕配！再飲埋杯凍檸茶，$47，極速完成個brunch。…查看更多

週六早上嚟到呢度附近，上面學校區有停車鏢位可以泊車，行落嚟搵到呢間茶餐廳，門口有售賣麵包蛋糕。室內裝修好有香港地道特色，綠色白色階磚地，板櫈卡位，樓底夠高，坐得舒適。食客以中年人士及長者居多。第一次見早餐可以揀菠蘿包跟麵餐，都可以揀牛油餐包，餐肉、腸仔、火腿、蛋可以任揀兩款或者食火腿奄列都得，多種配搭，梗有一款啱你心意。仿鮑魚火腿絲麵，鮑魚只有一片，火腿絲就大量，麵質爽口。沙爹牛肉麵，沙嗲汁夠香濃，牛肉入味夠淋，塊塊食得。茶餐廳最重要係杯奶茶，奶茶夠香夠滑，這裏的算中上水平，用黑白淡奶一定有質素保證，唔落糖都好好飲。其他早餐同出面嘅選擇都差唔多。晚餐會有煲仔菜、小菜，多種不同選擇，鍾意嘅仲可以啤啤佢，相信都係做街坊生意多。…查看更多