薰居酒屋

營業中

休息中

話佢係非一般居酒屋，因為Omakase既格局。入到嚟真係比個環境吸引到，感覺當堂升級。而餐牌都係好似居酒屋咁，主打多款串燒，同時又有其他日式料理，入座先送雞泡魚乾。鮑魚海膽杯 $88海膽同鮑魚兩樣都係正嘢，再加上三文魚子，味道鮮甜，賣相吸引。精選串燒拼盤 $248有厚切牛舌芯串、豬頸肉串、京蔥五花腩串、鹽燒虎蝦同埋蒲燒鰻魚串。最鐘意當然係蒲燒鰻魚，燒到焦脆，肉嫩而且食唔到有骨。牛舌除咗厚切，入口爽口又多汁。五花腩肥美又爆汁，配京蔥平衡得好好。虎蝦啖啖肉，燒得剛剛好，再用黑椒調味。雞皮餃子 $42雞皮餃子脆口又多汁，想滋味就要加埋沙律醬。汁燒魷魚筒 $98魷魚有燒香，口感軟滑，非常惹味。德島阿波尾雞胸軟骨串 $42比平時雞軟骨大得多，口感爽脆。日式和牛炒飯 $118炒飯飯粒分明，和牛絕非絲咁幼，有誠意。鹽燒半月油甘魚骹 $88肉多之餘仲燒得夠香，大件夾抵食，有驚喜。