泫居酒屋

營業中

休息中

屯馬綫開通左之後，真係可以多咗好多選擇去唔同地方尋找美食。呢一間係宋王臺地鐵站附近嘅泫居酒屋就我新搵到既好地方，離地鐵站出口只係幾分鐘路程，位置非常易搵。今日係平日，人流唔算多，可以即時安排到入座。餐牌食物嘅種類非常多同豐富，為咗試到唔同嘅食物，我哋每樣嘢都嗌咗少少。前菜就嚟咗個雜錦魚生沙律，海鮮嘅份量仲多過啲菜添，壽司叫牛油果軟殼蟹卷同佢壽司盛，每件壽司都睇得出廚師嘅用心，用嘅材料都係最新鮮。最後我哋仲叫咗少少串燒同埋蕎麥麵，總括嚟講同朋友一邊食一邊傾偈，美味嘅食物真係錦上添花。